JA̰A̰ 2:11 - Bibəl ta Sar̄

¹¹ Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

Bible sar

¹¹ Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

JA̰A̰ 2:11 Referans Kwoze

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

JA̰A̰ 6:2

Kósə de gə̄ ngá̰ý unən̄ gōn, tɔdɔ̄ nin̄-a̰ā̰n̄ yá̰á̰ kə́ yáā gə̄ ń ni-rāā kə ngé mo̰y gēé ní.

JA̰A̰ 6:30

Anī nin̄-tél ədan̄ na: Yá̰á̰ kə́ yáā ń ā ī-rāā yā kadə̄ j-a̰a̰ tá jə-taāń kemií ní i rí? Kəla rāāí i rí?

JA̰A̰ 6:26

Jeju tél ədadə́ na: Ādə̄ m-ə́dásí najə̄ kə́ bo ngá̰ý, ā ī-sāāmī i tām̄ ka̰a̰ ń á̰a̰ī yá̰á̰ kə́ yáā ní alé, banī i tām̄ mápá ń ə́sa ī-ndānī ní tə́.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

JA̰A̰ 12:41

Ijai ɔr̄ najə̄ beé i tām̄ ni-a̰a̰ kɔsə gɔn yā Jeju, adə̄ ni-ɔr̄ i najə̄ yān.

JA̰A̰ 12:37

Ká ré ni-rāā yá̰á̰ kə́ to kɔr kum gə̄ ngá̰ý ta kumdə́ tə́ gə̄gē anī, ba nin̄-taān̄ kemən alé.

JA̰A̰ 2:23

Kem ndɔ̄ gə̄ ń ni-ndiń Jerusalem tām̄ yā nāā Pákə tə́ ní, de gə̄ ngá̰ý taān̄ kemən dan ń a̰ā̰n̄ yá̰á̰ kə́ yáā gə̄ ń ni-rāā ní.

JA̰A̰ 1:50

Jeju tél ədan na: I tām̄ kəda ń m-ə́daī na m-á̰a̰ī gíŕ kótōó ní n ī-taā kem ní a? Ā á̰á̰ yá̰á̰ kə́ bo tɔȳ nge ń noō gə̄ ɓáý.

PĀ GƏ̄ 96:3

Ə̄nīī mbēr̄ kɔsə gɔn yān dan nápar de gə̄ tə́, ə̄nīī mbēr̄ yá̰á̰ kə́ yáā gə̄ ń ni-rāā ní dan nápar de gə̄ tə́ malang.

1 JA̰A̰ 5:13

m̄-ndang najə̄ gə̄ ń toō makətūbūú m-ādə̄sí sḭḭ̄ ń ī-taāī kem ngōn̄ Nə́ɓā ní, kadə̄ ī-gerīneé na sḭḭ̄ ə́ngeī ndi kə kumuú kə́ ngándáńg kɔ̄ɔ́.

JA̰A̰ 4:46

Loo ń noō tə́ Jeju tél dɔ tə́ aw̄ Kana gō, nang kə́ Galile tə́. I kem ɓē kə́ Kana tə́ n Jeju rāā man̄ adə̄ tél kasə nduú ní. Pajā yā mban̄g kógə̄ḿ i noó, mo̰y rāā ngōnən Kapernaum.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

NDŪ NAJƏ̄ 5:24

ba ədamə̄n̄ najə̄ ń ə̄ndāī tadə́ tə́ ní, ədan̄ na: Kɔ́ɔ̄ɓē Nə́ɓā yājí ɔjəjí kadə̄ ni i de kə́ bo ngá̰ý ō, ɔjəjí yá̰á̰ kə́ to kɔsə gɔn yān ō, adə̄ j-a̰a̰ kə kumjí ō, j-oō ndūn kum hor tə́ ō. Ɓōólaā ní jə-ger̄ kadə̄ Nə́ɓā asə kɔr̄ najə̄ kə de gēé ba kəya̰də́ kadə̄ ndin̄ kə kumdə́.

Teē Ngán Israel gə̄ 4:9

Ré taān̄ kemən tām̄ yá̰á̰ kə́ yáā kə́ jōó gə̄ ń noō tə́ aĺ ō, oōn̄ najə̄ yān aĺ ō anī, kə ɔdə man̄ bā kə ɓōkə́ nang tə́, na man̄ ní na a téĺ mósə.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

JA̰A̰ 11:15

Rɔ̄ḿ nelə̄m̄ tām̄ yāsí tə́ tɔdɔ̄ mā i nú alé, yā kadə̄ ī-taāiń kemḿ. Ba j-awī rɔ̄n tə́.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

Teē Ngán Israel gə̄ 14:31

Ngán Israel gə̄ a̰a̰n̄ tɔ́gə Kɔ́ɔ̄ɓē loo rɔ̄ɔ̄ tə́ kə de kə́ Ejiptə gēé adə̄ ɓōĺnən̄. Nin̄-ənīn̄ kemdə́ adə̄nən̄ ō, ənīn̄ kemdə́ adə̄n̄ Moijə nge kəla yān ō.

1 MBAN̄G GƏ̄ 17:24

Dəyá̰ ní əda Eli na: Ngɔlaā m̄-ger̄ kadə̄ ḭ̄ i deē yā Nə́ɓā ō, Kɔ́ɔ̄ɓē əndā najə̄ taí tə́ rɔ̄kum ō.

JA̰A̰ 1:43

Teē kə ndɔ̄ kə́ noō anī, Jeju gḛy kaw̄ Galile. Ni-ənge Pilipə róbó, anī ədan na kə un gōn.

JA̰A̰ 2:1

Teē kə ndɔ̄ kə́ nge ko̰ mətá anī, i kaw̄ kújú yā dəyá̰ kógə̄ḿ kem ɓē kə́ Kana tə́, gō nang kə́ Galile tə́. Kó̰o̰ Jeju i kum tə́.

JA̰A̰ 4:3

Dan ń Jeju ger̄ kadə̄ Parijiyḛ gə̄ oōn̄ najə̄ ń noō ní, ni-əya̰ gō nang kə́ Jude, ba tél aw̄ gogə́ Galile.

JA̰A̰ 4:54

Nge ń toō i yá̰á̰ kə́ yáā kə́ nge ko̰ jōó ń Jeju rāā ní. Ni-rāā yá̰á̰ ní i dan ń ni-ḭḭ dɔ nang kə́ Jude tə́ ba reē ugə̄ dɔ nang kə́ Galile tə́ ní.

JA̰A̰ 7:31

De gə̄ ngá̰ý dan kósə de gə̄ tə́ taān̄ kemən, adə̄ ədan̄ na: Kərist ní, loo ń a reē anī, a rāā yá̰á̰ kə́ yáā gə̄ ngá̰ý tɔȳ yā deē ń toō a?

JA̰A̰ 9:16

De kə́rēý gə̄ dɔ dan Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

JA̰A̰ 10:41

De gə̄ ngá̰ý reēn̄ rɔ̄n tə́, ədan̄ na: Ja̰a̰ rāā yá̰á̰ kə́ yáā kógə̄ḿ alé, banī najə̄ malang ń ni-əda dɔ deē ń toō tə́ ní i najə̄ kə́ rɔ̄kum.

JA̰A̰ 11:47

Loo ń noō tə́ ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ɔsən̄ dɔ ngé rāā sarya kə́ bo gə̄ naā tə́ ba ədan̄ na. J-a jə-rāāī i ba̰ý, tām̄ deē ní rāā yá̰á̰ kə́ yáā gə̄ ngá̰ý.

JA̰A̰ 12:18

I tɔdɔ̄ kósə de gə̄ oōn̄ kadə̄ ni-rāā yá̰á̰ kə́ yáā ngeé ń toō n nin̄-tə́nān̄ tan ní.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

JA̰A̰ 16:30

Ngɔlaā jə-ger̄ kadə̄ ḭ̄ ī-ger̄ yá̰a̰ malang ō, ī-sāā kadə̄ deē dəjeī najə̄ aĺ ō. I tām̄ najə̄ ń noō tə́ n jə-taā kem kadə̄ ḭ̄ ḭ́ḭ i rɔ̄ Nə́ɓā tə́ ní.