JA̰A̰ 19:5 - Bibəl ta Sar̄

⁵ Loo ń noō tə́ Jeju teē ndágá kə jākā kōn̄ gēé dɔn tə́ ō, kə kūbə̄ kə́ kərē ning rɔ̄n tə́ ō. Anī Pilatə ədadə́ na: Á̰a̰ī deē ngeé.

Bible sar

⁵ Loo ń noō tə́ Jeju teē ndágá kə jākā kōn̄ gēé dɔn tə́ ō, kə kūbə̄ kə́ kərē ning rɔ̄n tə́ ō. Anī Pilatə ədadə́ na: Á̰a̰ī deē ngeé.

JA̰A̰ 19:5 Referans Kwoze

JA̰A̰ 19:2

Áskar gə̄ sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́ əlan̄ dɔn tə́ ō, əlan̄ kūbə̄ kə́ kərē ning rɔ̄n tə́ ō, mbóon̄neé seneé.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

MATIYE 27:29

Nin̄-sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́, əlan̄ dɔn tə́ ō, əlan̄ tə̄ɓā jī ko̰n tə́ ō, ba ɔsən̄ kejədə́ nang tə́ non tə́ mbóon̄neé seneé ədan̄ na: Lápə́ya, mban̄g yā Jipə gə̄!