JA̰A̰ 19:4 - Bibəl ta Sar̄

⁴ Pilatə teē ndágá ɓáý to̰, ba əda Jipə gə̄ na: Á̰a̰ī, m-ā m̄-teē yā reē seneé rɔ̄sí tə́ kadə̄ ī-gerī na m-ə́nge najə̄ kógə̄ḿ dɔn tə́ alé.

Bible sar

⁴ Pilatə teē ndágá ɓáý to̰, ba əda *Jipə gə̄ na: Á̰a̰ī, m-ā m̄-teē yā reē seneé rɔ̄sí tə́ kadə̄ ī-gerī na m-ə́nge najə̄ kógə̄ḿ dɔn tə́ alé.

JA̰A̰ 19:4 Referans Kwoze

JA̰A̰ 19:6

Ba dan ń ngol gə̄ kə́ dɔ ngé tun̄ yá̰a̰ gə̄ tə́ ō, pajā gə̄ ō, a̰a̰nən̄ anī, unən̄ ndūdə́ kə̄ dɔɔ́ ngá̰ý ədan̄neé na: Əndan kə máyá̰ tū kāgə̄ kə́ dēsə́ tə́! Əndan kə máyá̰ tū kāgə̄ kə́ dēsə́ tə́! Pilatə ədadə́ na: Sḭḭ̄ kɔ́ gə̄ ī-taāin̄, ba ə́ndain̄ kə máyá̰ tū kāgə̄ kə́ dēsə́ tə́, na mā m-ə́nge najə̄ kógə̄ḿ dɔn tə́ alé.

JA̰A̰ 18:38

Pilatə dəjen na ké najə̄ kə́ rɔ̄kum i rí wa. Dan ń ni-əda najə̄ ń noō oy anī, teē aw̄ rɔ̄ Jipə gə̄ tə́ ndágá ɓáý to̰, ba ədadə́ na: Mā m-ə́nge najə̄ kə́ yā kadə̄ deē gāngəń sarya dɔn tə́ alé.

Najə̄ kə́ Majə yā Jeju ń Luk ndang ní 23:4

Anī Pilatə tél əda ngol gə̄ kə́ dɔ ngé tun̄ yá̰a̰ gə̄ tə́ ō, kósə de gə̄ ō na: Mā m-ə́ngé yá̰á̰ kógə̄ḿ dɔ dəngam ń toō tə́ kə́ yā kadə̄ sarya rāānneé alé.

Najə̄ kə́ Majə yā Jeju ń Luk ndang ní 23:47

Loo ń ngol áskar gə̄ a̰a̰ yá̰a̰ gə̄ ń toō beé ní, a ɔsə gɔn Nə́ɓā, əda na: Rɔ̄kum, deē ń toō i de kə́ súmūú!

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

Najə̄ kə́ Majə yā Jeju ń Luk ndang ní 23:41

Yājí jḭ̄ i gō tə́, tɔdɔ̄ rāān̄jí i yá̰á̰ kə́ asə gotə yājí gə̄ ń jə-rāā tə́ ní. Ba ni, ni-rāā yá̰á̰ kógə̄ḿ kə́ majaĺ sḛ́ý aĺ bátə́.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

MATIYE 27:24

Dan ń Pilatə a̰ā̰ kadə̄ najə̄ yān teē yá̰a̰ alé, ba de gə̄ a ənīn̄ i wúȳ jīn tə́ anī, un man̄ tə́goń jīn ta kum kósə de gə̄ tə́, ba əda na: Mósə deē ń toō a əsō dɔḿ mā tə́ alé, i najə̄ yāsí sḭḭ̄ kɔ́ gə̄!

MATIYE 27:19

Dan ń Pilatə ndi loo gān̄g sarya tə́ ní, nə̄yá̰n əla ədan na kə lōō kəla rɔ̄n dan najə̄ yā de kə́ súmūú ń noō tə́. Tɔdɔ̄ na n-nī nī kə́ majaĺ ngá̰ý dɔn tə́ ndɔ̄ɔ́ laā.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

JA̰A̰ 18:33

Pilatə tél udə gogə́ kem kújə ndi nge ko̰o̰ ɓē tə́. Ni ɓāŕ Jeju ba dəjen na ké ni i mban̄g yā Jipə gə̄ wa.