JA̰A̰ 19:2 - Bibəl ta Sar̄

² Áskar gə̄ sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́ əlan̄ dɔn tə́ ō, əlan̄ kūbə̄ kə́ kərē ning rɔ̄n tə́ ō, mbóon̄neé seneé.

Bible sar

² Áskar gə̄ sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́ əlan̄ dɔn tə́ ō, əlan̄ kūbə̄ kə́ kərē ning rɔ̄n tə́ ō, mbóon̄neé seneé.

JA̰A̰ 19:2 Referans Kwoze

Najə̄ kə́ Majə yā Jeju ń Luk ndang ní 23:11

Gō tə́ dan ń Herod naā tə́ kə áskar kə́ ngé ngɔ̄m̄ loo yān gə̄ ɔjən̄ Jeju kadə̄ ni i deē ta kumdə́ tə́ aĺ ō, lurənən̄ ō oy ní anī, Herod adə̄ əlan̄ kūbə̄ kógə̄ḿ kə́ ndə́lē pir pir rɔ̄ Jeju tə́, ba tél əla seneé rɔ̄ Pilatə tə́ gogə́.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

PĀ GƏ̄ 22:6

Nin̄ nōōn̄ kə̄ dɔí tə́ kadə̄ ī-rāā sedə́, anī ī-gān̄g dɔdə́. Əndān̄ kemdə́ dɔí tə́, anī rɔ̄də́ sɔl̄də́ alé.

JA̰A̰ 19:5

Loo ń noō tə́ Jeju teē ndágá kə jākā kōn̄ gēé dɔn tə́ ō, kə kūbə̄ kə́ kərē ning rɔ̄n tə́ ō. Anī Pilatə ədadə́ na: Á̰a̰ī deē ngeé.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.