JA̰A̰ 18:8 - Bibəl ta Sar̄

⁸ Jeju tél ədadə́ na: M-ə́dásí na i mā n toó. Ré i mā n ā ī-sāāmī anī, ə́ya̰ī ngé gə̄ ń toō ādə̄ aw̄n̄.

Bible sar

⁸ Jeju tél ədadə́ na: M-ə́dásí na i mā n toó. Ré i mā n ā ī-sāāmī anī, ə́ya̰ī ngé gə̄ ń toō ādə̄ aw̄n̄.

JA̰A̰ 18:8 Referans Kwoze

1 PIYER 5:7

Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

EPEJƏ 5:25

Sḭḭ̄ dəngam gə̄, ī-táriī nə̄yá̰sí gə̄ tītə̄ ń Kərist tárəń ngé taā kemən gə̄ adə̄ ni-adə̄ rɔ̄n tām̄ yādə́ tə́ ní.

2 KORḚNTƏ 12:9

Banī ni-tél ədam̄ na kem majə ń na n-rāā seḿ ní na asə tām̄ yāḿ tə́. Tām̄ tɔ́gən ɔjə rɔ̄n kə̄ ndágá ngá̰ý i dan ń tɔ́gə́ḿ mā na gətóo kɔ̄ɔ́ tə́ ní. Adə̄ yá̰á̰ ń kemḿ gḛy ngá̰ý ní i kɔjə rɔ̄ḿ tām̄ yā tɔ́gə gətóo yāḿ tə́, yā kadə̄ tɔ́gə Kərist ɔjəń rɔ̄n kə̄ ndágá kə ta kūlə̄ḿ.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

JA̰A̰ 16:32

Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

JA̰A̰ 13:36

Simo̰ Piyer ədan na: Kɔ́ɔ̄ɓē, a āw̄ i kə̄ rá? Jeju tél ədan na: Loo ń m-ā m-āw̄ kə̄ tū tə́ ní, ngɔlaā ásə kun gōḿ yā kaw̄ tū tə́ alé, banī gō tə́ pá tá ā ún gōḿ ɓáý.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

JA̰A̰ 18:7

Ni dəjedə́ ɓáý to̰ na ké a sāān̄ i náā wa. Anī nin̄-ədan̄ na: I Jeju kə́ Najaret.

JA̰A̰ 18:9

Ni-əda beé i yā kadə̄ najə̄ ń ni-əda kété ní reē udəń gírí, əda na: Ngé gə̄ ń Bɔbə́ḿ adə̄m̄ sedə́ ní, m̄-tḭ̄ ta kógə̄ḿ alé.