JA̰A̰ 18:1 - Bibəl ta Sar̄

¹ Dan ń Jeju ɔr̄ najə̄ beē oy anī, nin̄ kə ngé ndóō yá̰a̰ yān gēé aw̄n̄ gidə wól man̄ Sedəro̰ tə́. Ndɔr̄ kógə̄ḿ i loo ngeé ń noō tə́, adə̄ ni udə kemeé kə ngé ndóō yá̰a̰ yān gēé.

Bible sar

¹ Dan ń Jeju ɔr̄ najə̄ beē oy anī, nin̄ kə ngé ndóō yá̰a̰ yān gēé aw̄n̄ gidə wól man̄ Sedəro̰ tə́. Ndɔr̄ kógə̄ḿ i loo ngeé ń noō tə́, adə̄ ni udə kemeé kə ngé ndóō yá̰a̰ yān gēé.

JA̰A̰ 18:1 Referans Kwoze

MARK 14:32

Ba nin̄-aw̄n̄ kem ndɔr̄ kógə̄ḿ kə́ rīn na i Jetəsemani tə́. Jeju əda ngé ndóō yá̰a̰ yān gə̄ na: Ī-ndiī laā dan ń m-ā m̄-ndɔ̄ȳ ní.

MATIYE 26:36

Dan ń Jeju aw̄n̄ nin̄ kə ngé ndóō yá̰a̰ yān gēé ugə̄n̄ loo ń a ɓārə́n̄ na i Jetəsemani ní tə́ anī, əda ngé ndóō yá̰a̰ yān gə̄ na kə ndin̄ loo ń toō tə́ laā, ba ni na n-a n-aw̄ ndɔ̄yɔ̄ɔ́ loo ń nú tə́ noō.

2 SAMUEL 15:23

Dan ń de gə̄ a mānə̄n̄ anī, de kə́ kem ɓēé gə̄ malang unən̄ ndūdə́ kə̄ dɔɔ́ a nōōnneé. Mban̄g teē man̄ Sedəron kə̄ gidə kə́rēý tə́ ō, de gə̄ malang mānə̄n̄ kumdə́ sɔɔ̄ róbə́ ń to kə gō kadə dəla loo ní ō.

JA̰A̰ 18:26

Nge kəla kógə̄ḿ kə́ dan ngé kəla gə̄ yā ngol ngé tun̄ yá̰a̰ gə̄ tə́ ń i nge deē ń Piyer əga mbīn gān̄g ní, əda Piyer na: M-á̰a̰ī kem ndɔrɔ́ seneé aĺ a?

JA̰A̰ 14:31

ba majə kadə̄ de kə́ dɔ nang tə́ gə̄ gerə̄n̄ kadə̄ m̄-tár Bɔbə́ḿ ō, m̄-rāā yá̰á̰ ń Bɔbə́ḿ ədam̄ kadə̄ m̄-rāā ní ō. Ḭ́ḭī dɔɔ́ j-awī.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

2 YÁ̰A̰ GƏ̄ 30:14

Nin̄ əlan̄ gír nujə loo tun̄ yá̰a̰ kadə̄ ɓesə̄ gə̄ kə́ Jerusalem ō, loo róō kajaja yādə́ gə̄ malang ō, ba ɔy aw̄ ɓōkə́n̄ wól loo kə́ Sedəron tə́.

2 YÁ̰A̰ GƏ̄ 15:16

Loo kə́ to rɔȳ ń əndān̄ Maaka kaa mban̄g Asa tū tə́ a mēr̄ kadə̄ a ɓārə́n̄ kaan na i dəyá̰ kə́ bo ní, Asa ɔrə̄n tū tə́ kɔ̄ɔ́. Tɔdɔ̄ Maaka udə ɓesə̄ kógə̄ḿ kə́ majaĺ ngá̰ý yā rɔȳń Asera. Asa tə́gā ɓesə̄ kə́ majaĺ ngá̰ý ní kɔ̄ɔ́. Ni tə́tə̄n rárák ba əla hor dɔ tə́ kum wól loo kə́ Sedəro̰ tə́.

2 MBAN̄G 23:12

Ni tɔ̄ɔ̄ loo tun̄ yá̰a̰ gə̄ ń mban̄g kə́ Juda gə̄ rāān̄ dɔ kújə́ kə́ dɔɔ́ yā Akaj tə́ ní kɔ̄ɔ́ ō, tɔ̄ɔ̄ loo tun̄ yá̰a̰ gə̄ ń Manase rāādə́ ndágə loo kə́ gīr̄ gidə kújə yā Kɔ́ɔ̄ɓē kə́ jōó gə̄ kə́ ta kújə yā Kɔ́ɔ̄ɓē tə́ ní kɔ̄ɔ́ ō. Ni ɔydə́ loo ní tə́ kɔ̄ɔ́ ba ɓōkə́ būdə́ kum wól loo kə́ Sedəron tə́.

2 MBAN̄G 23:6

Ni un kāgə̄ ɓesə̄ Asera kem kújə yā Kɔ́ɔ̄ɓē tə́ aw̄ń gidə ɓē kə́ Jerusalem tə́ ndágá adə̄ róōn̄ horoó wól loo kə́ Sedəron tə́. Róōn̄ kāgə̄ ɓesə̄ Asera ní ba ɔyn̄ būn ɓōkə́n̄ dɔ ɓádá ń kə́nə̄n̄ nīń kósə de gə̄ kemeé tə́ ní.

1 MBAN̄G GƏ̄ 15:13

loo kə́ to rɔȳ ń əndān̄ kaan Maaka tū tə́ á a ɓāŕnən̄ na i dəyá̰ kə́ bo ní, ni ɔrə̄n tū tə́ kɔ̄ɔ́ ō. Tɔdɔ̄ kaan ní rāā ndíĺ yá̰á̰ kə́ majaĺ ngá̰ý tām̄ yā ɓesə̄ Asera tə́. Asa nujə ɓesə̄ kə́ majaĺ ngá̰ý ní kɔ̄ɔ́, ba róōn kadə man̄ Sedəro̰ tə́.

TA KƏLA 3:23

Kɔ́ɔ̄ɓē Nə́ɓā tə̄ɓā de gə̄ kɔ̄ɔ́ kem ndɔr̄ kə́ Eden tə́ kadə̄ aw̄ ndɔrə̄n̄ dɔ nang ń rāańdə́ ní.

MARK 14:26

Ənīn̄ pā gə̄ kə́ yā tɔ̄yń Nə́ɓā, pá tá teē aw̄n̄ dɔ mbal̄ kāgə̄ olibə gə̄ tə́.

MATIYE 26:30

Gō tə́ anī nin̄-ənīn̄ pā gə̄ kə́ yā tɔ̄yń Nə́ɓā, ba teē aw̄n̄ dɔ mbal̄ kāgə̄ olibə gə̄ tə́.

TA KƏLA 2:15

Kɔ́ɔ̄ɓē Nə́ɓā un deē, əndān kem ndɔr̄ kə́ Eden tə́ kadə̄ ndɔr̄ ō, ngɔ̄m̄ ndɔr̄ ní ō.

1 MBAN̄G GƏ̄ 2:37

Ndɔ̄ ń ā ī-teē tə́, adə̄ ī-teē wól man̄ Sedəron kə̄ gidə kə́rēý tə́ anī ā óý ní m-ə́daī m-ādə̄ gān̄g. Mósí a tél yā kəsō i dɔí īkɔ́ tə́.

2 MBAN̄G 23:4

Mban̄g əda Hilkia ngol ngé tun̄ yá̰a̰ gə̄ ō, ngé tun̄ yá̰á̰ kə́ gōn tə́ gə̄ ō, ngé ngɔ̄m̄ ta róbə́ kújə gə̄ ō, kadə̄ teēn̄ kə yá̰a̰ gə̄ ń rāān̄ yā rɔȳń ɓesə̄ Baal ō, ɓesə̄ Asera ō, ɓesə̄ tə́yō̰ gə̄ malang kə́ dɔ rā̰ tə́ ō ní kɔ̄ɔ́ kem kújə yā Kɔ́ɔ̄ɓē tə́. Róōn̄ yá̰a̰ gə̄ ní horoó gidə ɓē kə́ Jerusalem tə́ ndágá kem wól man̄ Sedəron tə́ ba ɔyn̄ būdə́ gə̄ aw̄n̄neé Betel.

2 YÁ̰A̰ GƏ̄ 29:16

Ngé tun̄ yá̰a̰ gə̄ udən̄ kem kújə yā Kɔ́ɔ̄ɓē tə́ yā tə́go kem, nin̄ teēn̄ kə yá̰á̰ kə́ yḛr gə̄ malang ń əngen̄ kemeé ní tə́ndān̄ ndágə loo kə́ gīr̄ gidə kújə yā Kɔ́ɔ̄ɓē tə́. Gō tə́ anī ngán Lebi gə̄ langən̄ ta ɔy teēn̄neé ndágá aw̄ ɓōkə́n̄ wól loo kə́ Sedəro̰ tə́.

NEHEMI 2:15

Loo ń noō tə́ m-ún gō wól loo kə́ Sedəro̰ ń əta tan kum kə̄ dɔɔ́ ní i ndɔ̄ɔ́ ndɔ̄ nəkɔ́ ń noō tə́ m-ə̄ndāń ma̰ȳ ndogə̄ mbal̄ ní. Ba m̄-tél dɔ tə́ m-āw̄ ɓēé kə ta róbə́ kə́ wól looó.

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

LEBI GƏ̄ 2:6

Báa ī-tétə̄ naā tə́ ō, ī-ɓōkə́ yibə̄ dɔ tə́ ō. Nge ń noō i kōō kə́ ndējə̄.

MARK 14:42

Ḭ́ḭī dɔɔ́, j-awī! Á̰a̰ī nge kəlam̄ jī de gə̄ tə́ ugə̄ kɔ̄ɔ́.