JA̰A̰ 17:6 - Bibəl ta Sar̄

⁶ De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

Bible sar

⁶ De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

JA̰A̰ 17:6 Referans Kwoze

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

JEJU TEĒ KUM JA̰A̰ 3:8

m̄-ger̄ kəla rāāí gə̄. Á̰a̰ā̰, m-ə́ya̰ ta róbə́ kógə̄ḿ adə̄ ra kə wōyōó noí tə́, ba deē kógə̄ḿ kə́ asə kutə̄ gətóo, tɔdɔ̄ tɔ́gí i ngá̰ý alé, ba ī-ngɔ̄m̄ najə̄ yāḿ ō, ī-mbātə́ rīḿ aĺ ō.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

JA̰A̰ 15:7

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

PĀ GƏ̄ 22:22

Ī-taām̄ ta ngān̄g ɓɔl tə́ ō, ī-taām̄ ta gajə dɔgə tə́ ō. ḭ̄ ōō ndūḿ adə̄ ī-dḭḭ̄m̄.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

HEBƏRO 2:12

Tɔdɔ̄ ni-əda na: M-ā m-ɔ́jə́ ngákó̰ó̰ḿ gə̄ rīí ō, m-ā m̄-ɔ́sə gɔnií ta kum ngé kán̄ naā gə̄ tə́ malang ō.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Makətūbə̄ ń Pol ndang adə̄ Rom gə̄ ní 11:2

Nə́ɓā əya̰ gír deē yān gə̄ ń nəkɔ́ gə̄rādə́ kété ní kɔ̄ɔ́ alé. Nōō ń Eli nōō rɔ̄n rɔ̄ Nə́ɓā tə́ á makətūbə̄ əda ní, sḭḭ̄ ōōī aĺ a? Eli nōō rɔ̄n əda na:

KƏLA RĀĀ 13:48

Dan ń de gə̄ ń nin̄ i Jipə aĺ gə̄ ní oōn̄ najə̄ gə̄ ń noō ní anī, rɔ̄də́ nel̄də́ ngá̰ý ō, ɔsən̄ gɔn najə̄ yā Kɔ́ɔ̄ɓē ō. De gə̄ malang ń Nə́ɓā reē sedə́ i tām̄ yā ndi kə kumuú kə́ ngándáńg tə́ ní, taān̄ kem.

JA̰A̰ 18:9

Ni-əda beé i yā kadə̄ najə̄ ń ni-əda kété ní reē udəń gírí, əda na: Ngé gə̄ ń Bɔbə́ḿ adə̄m̄ sedə́ ní, m̄-tḭ̄ ta kógə̄ḿ alé.

JA̰A̰ 17:16

Nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

JA̰A̰ 17:14

M-ādə̄də́ najə̄ yāí, banī de kə́ dɔ nang tə́ gə̄ imə̄n̄də́, tām̄ nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

JA̰A̰ 15:3

Sḭḭ̄ ūnjī njáý njáý kɔ̄ɔ́ kə ta kūl̄ najə̄ ń m-ə́dásí ní.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.

JA̰A̰ 6:39

Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

Gōsə̄ najə̄ gə̄ 23:23

Ī-sāā háĺ kə́ sew kadə̄ ə́nge ba ī-lōō kigəń ō, ī-rāā tītə̄ ń noō tām̄ yā kum kedə̄ tə́ ō, kɔjə̄ tə́ ō, ger̄ kum najə̄ tə́ ō.

Gōsə̄ najə̄ gə̄ 2:10

Loo ń noō tə́ kum kedə̄ a udə kemií tə́ ō, ger̄ yá̰a̰ a adī rɔ̄nel̄ ō,

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

JA̰A̰ 8:51

Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

JA̰A̰ 17:7

Ngɔlaā nin̄-gerə̄n̄ kadə̄ yá̰a̰ malang ń ādə̄m̄ ní ḭḭ i rɔ̄í tə́,

JA̰A̰ 17:12

Dan ń mā i sedə́ ní, m̄-ngɔ̄m̄də́ kə ta kūl̄ rīí, rīí ń ādə̄m̄ ní. m̄-ngɔ̄m̄də́ ō, ta deē kógə̄ḿ kə́ dandə́ tə́ tḭ̄ḭ̄ aĺ ō, ba i nge ń i gáŕ kadə̄ tan tḭ̄ḭ̄ ní tá ngóy, yā kadə̄ najə̄ kə́ ndang kem makətūbūú reē udəń gírí.

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.