JA̰A̰ 17:3 - Bibəl ta Sar̄

³ Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

Bible sar

³ Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju *Kərist ń ə́la seneé ní ō.

JA̰A̰ 17:3 Referans Kwoze

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

1 JA̰A̰ 4:6

Jḭḭ̄ i yā Nə́ɓā. Deē ń ger̄ Nə́ɓā ní, a oō yājí. Deē ń i yā Nə́ɓā aĺ ní, a oōjí alé. J-a jə-gerī Ndíl najə̄ kə́ rɔ̄kum ō, ndíĺ kə́ nge ndúm̄ kə deé ō i tītə̄ ń noō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

JA̰A̰ 8:19

Anī nin̄-ədanən̄ na: Bɔbí i rá? Anī Jeju tél ədadə́ na: Ī-ger̄mī aĺ ō, ī-gerī Bɔbə́ḿ aĺ ō. Ré ī-ger̄mī anī, ā ī-gerī Bɔbə́ḿ ō.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

IJAI 48:16

Ī-ndɔ́tī kə̄ rɔ̄ḿ tə́ ba ōōī: M-ə́lá gír kɔr̄ najə̄ loo mundə̄ tə́ aĺ i ta kəla gíŕ tə́ nú. Dan ń yá̰a̰ gə̄ ń toō rāān̄ yá̰á̰ ní, mā i noó. Ba ngɔlaā ní, Kɔ́ɔ̄ɓē Nə́ɓā əlam̄ ō, ni-adə̄m̄ Ndílən ō.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

JA̰A̰ 7:29

ba mā m̄-gerə̄n. Tɔdɔ̄ m-ḭ́ḭ i rɔ̄n tə́ ō, i nəkɔ́ n əlam̄ ní ō.

JA̰A̰ 6:57

Ba tītə̄ ń Bɔbə́ḿ ń əlam̄ ní ndi kə kumneé ō, mā m̄-ndi kə kumḿ i kə ta kūl̄ Bɔbə́ḿ ō ní, deē ń əsam̄ ní a ndi kə kumneé kə kūlə̄ḿ mā ō.

2 YÁ̰A̰ GƏ̄ 15:3

Israel gə̄ ndin̄ kanjə̄ Nə́ɓā kə́ rɔ̄kum ō, kanjə̄ nge tun̄ yá̰á̰ kə́ yā ndóōdə́ yá̰a̰ ō, kanjə̄ ndū najə̄ ō, dan i ngá̰ý.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

JA̰A̰ 11:42

m̄-ger̄ kadə̄ ḭ̄ ōō najə̄ yāḿ ngándáńg, banī m-ɔ̄r̄ najə̄ i tām̄ yā kósə de gə̄ ń ra gīrə̄n̄ gidəḿ tə́ toō, yā kadə̄ nin̄-taān̄ kem kadə̄ i ḭ̄ n ə́lam̄ ní.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

MARK 9:37

Náā nəkɔ́ ń a əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ anī, i ngarān̄g kumḿ mā nəkɔ́ ń əhɔ kə̄ rɔ̄n tə́ noō. Tá deē ń əhɔm̄ kə̄ rɔ̄n tə́ ní, əhɔm̄ i mā alé, banī i nge ń əlam̄ ní n kɔ́ɔ̄ əhɔn kə̄ rɔ̄n tə́ ní.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

Gōsə̄ najə̄ gə̄ 8:35

Tɔdɔ̄ deē ń əngem̄ ní ənge i ta róbə ndi kə kumuú ō, ndɔ̄də̄ i kem majə yā Kɔ́ɔ̄ɓē ō.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

2 PIYER 1:2

Ādə̄ Nə́ɓā rajəsí ō, adə̄sí kem sɔl̄ lɔm ngá̰ý kə ta kūl̄ ger̄ ń sḭḭ̄ ī-ger̄niī ō, ī-gerī Jeju Kərist Kɔ́ɔ̄ɓē yājí ní ō.

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

2 PIYER 1:8

Háĺ kə́ majə gə̄ ń sɔɔ̄ kadə̄ sḭḭ̄ āwīneé ní n noó. Ba ré háĺ kə́ majə gə̄ ngeé ń toō āwīneé ngá̰ý anī, i nin̄ n a rāān̄sí kadə̄ ā ī-rāāī kəla ō, ā ī-gerī Kɔ́ɔ̄jí Jeju Kərist kum kə̄ kété kété ō ní.

1 JA̰A̰ 1:2

Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

1 JA̰A̰ 2:23

Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.