JA̰A̰ 17:25 - Bibəl ta Sar̄

²⁵ Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

Bible sar

²⁵ Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 17:25 Referans Kwoze

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 15:21

Ba nin̄ a rāān̄sí yá̰a̰ gə̄ ń toō malang i najə̄ yāḿ mā tə́, tɔdɔ̄ nin̄-gerə̄n̄ nge ń əlam̄ ní alé.

JA̰A̰ 7:29

ba mā m̄-gerə̄n. Tɔdɔ̄ m-ḭ́ḭ i rɔ̄n tə́ ō, i nəkɔ́ n əlam̄ ní ō.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

HEBƏRO 8:11

Deē kógə̄ḿ dandə́ tə́ kə́ yā ndóō de kə́ ɓē yān tə́, aláa ngōkó̰o̰n kəda na: Ī-ger̄ Kɔ́ɔ̄ɓē ní, a gətóo. Tɔdɔ̄ nin̄ malang ger̄mə̄n̄, ngán gə̄gē ngatɔ́gə́ gə̄gē.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

JA̰A̰ 10:15

tītə̄ ń Bɔbə́ḿ ger̄məń ō, mā m̄-gerə̄ń Bɔbə́ḿ ō ní. Adə̄ m-óy tām̄ yā batə̄ yāḿ gə̄ tə́.

JA̰A̰ 8:55

kanjə̄ gerə̄n, ba mā m̄-gerə̄n ní. Ré m-ə́da na m̄-gerə̄n aĺ anī, mā i nge sor̄ tītə̄sí. Banī m̄-gerə̄n ō, m̄-rāā yá̰a̰ gə̄ ń ni-əda ní ō.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

1 KORḚNTƏ 1:21

Tɔdɔ̄ loo ń kum kedə̄ yā Nə́ɓā ɔjə rɔ̄n kə̄ ndágá tū tə́ ní, de kə́ dɔ nang tə́ laā gə̄ a̰a̰n̄ Nə́ɓā tū tə́ gerə̄n̄ kə ta kūl̄ kum kedə̄ yādə́ alé. I tām̄ najə̄ ń noō tə́ n Nə́ɓā gḛyń kajə ngé taā kem gə̄ kə ta kūl̄ najə̄ kə́ to mbóó ń j-ɔjə ní.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

Makətūbə̄ ń Pol ndang adə̄ Rom gə̄ ní 3:11

De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

KƏLA RĀĀ 17:23

Tɔdɔ̄ dan ń m̄-njə̄rā kem ɓē yāsí tə́ ō, m-ə̄ndā ma̰ȳ yá̰a̰ gə̄ ń ā ī-ndɔ̄yīdə́ gə̄ ní ō anī, m-āw̄ bátə́ m-ə́nge loo tun̄ yá̰á̰ kógə̄ḿ kə́ ndangən̄ najə̄ ń toō dɔ tə́ na: I tām̄ yā nə́ɓā kə́ jə-gerə̄n aĺ tə́. Majə! Yá̰á̰ ń sḭḭ̄ ā ī-ndɔ̄yī kanjə̄ gerə̄n ní, i yá̰á̰ ń toō bang n mā m̄-reē kɔjə̄sí tə́ kadə̄ ī-gerī ní.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

JA̰A̰ 16:30

Ngɔlaā jə-ger̄ kadə̄ ḭ̄ ī-ger̄ yá̰a̰ malang ō, ī-sāā kadə̄ deē dəjeī najə̄ aĺ ō. I tām̄ najə̄ ń noō tə́ n jə-taā kem kadə̄ ḭ̄ ḭ́ḭ i rɔ̄ Nə́ɓā tə́ ní.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

JA̰A̰ 8:19

Anī nin̄-ədanən̄ na: Bɔbí i rá? Anī Jeju tél ədadə́ na: Ī-ger̄mī aĺ ō, ī-gerī Bɔbə́ḿ aĺ ō. Ré ī-ger̄mī anī, ā ī-gerī Bɔbə́ḿ ō.

JA̰A̰ 6:19

Nin̄-nēlə̄n̄ to asə kum mbang kógə̄ḿ, pá tá a̰ā̰n̄ Jeju a njə̄rā dɔ bā bo tə́ a reē kə̄ kadə to tə́, adə̄ ɓōĺ rāādə́.

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

JEJU TEĒ KUM JA̰A̰ 16:5

Anī de kə́ dɔ rā̰ tə́ ń əndānən̄ dɔ man̄ gə̄ tə́ ní ɔr̄ najə̄ adə̄ m-ōō, əda na: Ḭ̄ ń ī-ndi ngɔlaā ō, ī-ndi kété ō, ī-to kadə̄ deē ɓōĺ ndílí ō rɔyī ō ní, ḭ̄ i de kə́ gōtə́, tām̄ ī-gān̄g sarya dɔ yá̰a̰ gə̄ ń toō tə́.