JA̰A̰ 17:22 - Bibəl ta Sar̄

²² M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

Bible sar

²² M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

JA̰A̰ 17:22 Referans Kwoze

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

JA̰A̰ 1:16

Tām̄ jḭḭ malang ní j-ənge yá̰a̰ kal̄ loo yān kə ta kūl̄ kem majə yān kə̄ dɔ naā tə́.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

1 JA̰A̰ 3:24

Ba deē ń rāā yá̰a̰ gə̄ ń Nə́ɓā əda kə gō míndən ní, kɔ́ɔ̄ ndi kem Nə́ɓā tə́ ō, Nə́ɓā ndi kem kɔ́ɔ̄ tə́ ō. Ba yá̰á̰ ń jə-gerīneé kadə̄ ni-ndi kemjí tə́ ní, i Ndíĺ kə́ Táĺ ń ni-adə̄jí ní.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

MARK 6:7

Jeju ɓār̄ ngé ndóō yá̰a̰ gə̄ ń nin̄ i deē kutə gidə i jōó ní kə̄ rɔ̄n tə́, ba əladə́ jōó jōó. Ni-adə̄də́ tɔ́gə dɔ ndíĺ kə́ yḛr gə̄ tə́.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

JEJU TEĒ KUM JA̰A̰ 21:14

Nja ndogə̄ mbal̄ ní i kutə gidə i jōó ba ndangən̄ rī ngámbang kəla kə́ kutə gidə i jōó gə̄ yā Ngōn̄ batə̄ tū njan gə̄ ní tə́.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

PILIPƏ 1:29

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.