JA̰A̰ 17:21 - Bibəl ta Sar̄

²¹ Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

Bible sar

²¹ Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 17:21 Referans Kwoze

1 KORḚNTƏ 12:12

Tɔdɔ̄ rɔ̄ deē i kógə̄ḿ beē, banī ngán rɔ̄n gə̄ i ngá̰ý. Ba ngán rɔ̄n gə̄ ń gíŕdə́ i ngá̰ý noō ɓoon̄ naā anī, télən̄ i rɔ̄ de kə́ kal kógə̄ḿ beē. Ba Kərist i tītə̄ ń noō ō.

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 10:38

Ba ré m̄-rāādə́ anī, ká ré ī-taāiń kemḿ mā aĺ gə̄gē anī, ī-taāī kem kəla gə̄ ń m̄-rāādə́ ní, yā kadə̄ ī-gerīneé majə na Bɔbə́ḿ i kemḿ tə́ ō, mā i kem Bɔbə́ḿ tə́ ō.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Makətūbə̄ ń Pol ndang adə̄ Rom gə̄ ní 12:5

Jḭḭ̄ ń i ngá̰ý ní, jə-toī i tītə̄ ń noō kə Kərist. Jḭḭ̄ i rɔ̄ kə́ kógə̄ḿ beē, ba jḭḭ̄ kógə̄ḿ kógə̄ḿ malang ní, jḭḭ̄ i ngán rɔ̄ de kə́ kógə̄ḿ beē.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

1 JA̰A̰ 5:7

Tɔdɔ̄ ngé kəda najə̄ kə́ kum tə́ gə̄ i mətá:

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

SOPONI 3:9

A̰á̰ā̰, m-ā m̄-tə́go ta nápar de gə̄ kadə̄ unjə̄ njáý njáý. Loo ń noō tə́ nin̄ malang a asən̄ ndɔ̄ȳm̄ mā Kɔ́ɔ̄ɓē ō, a rāān̄ kəla yā kadə̄m̄ kə kemdə́ kə́ kógə̄ḿ ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

JA̰A̰ 11:42

m̄-ger̄ kadə̄ ḭ̄ ōō najə̄ yāḿ ngándáńg, banī m-ɔ̄r̄ najə̄ i tām̄ yā kósə de gə̄ ń ra gīrə̄n̄ gidəḿ tə́ toō, yā kadə̄ nin̄-taān̄ kem kadə̄ i ḭ̄ n ə́lam̄ ní.

JA̰A̰ 17:20

m̄-ndɔ̄yī i tām̄ yādə́ nin̄ tə́ ngóy alé, banī i tām̄ yā ngé gə̄ ń a taān̄ kemḿ kə ta kūl̄ najə̄ yādə́ ní ō,

1 KORḚNTƏ 6:17

Ba deē ń ɓoon̄ naā kə Kɔ́ɔ̄ɓēé ní, ndíĺdə́ i kógə̄ḿ beē kə Kɔ́ɔ̄ɓēé.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

MARK 3:24

Ré kem ɓē ko̰o̰ kógə̄ḿ tə́ de kə́ kemeé gə̄ a mbātə́n̄ naā anī, ɓē ko̰o̰ ń noō a ndi ngan̄g alé.

JA̰A̰ 13:32

Nə́ɓā a ɔsə gɔn Ngōn̄ Deē kemən nəkɔ́ Nə́ɓā tə́, ba na̰y i ngɔr kadə̄ a ɔsə gɔnən.