JA̰A̰ 17:2 - Bibəl ta Sar̄

² Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

Bible sar

² Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

JA̰A̰ 17:2 Referans Kwoze

JA̰A̰ 6:39

Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 17:9

m̄-ndɔ̄yī tām̄ yādə́ tə́. m̄-ndɔ̄ȳ i tām̄ yā de kə́ dɔ nang tə́ gə̄ tə́ alé, banī i tām̄ yā ngé gə̄ ń ḭ̄ adə̄m̄ sedə́ ní tə́, tɔdɔ̄ nin̄ i yāí gə̄.

JA̰A̰ 17:6

De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 3:35

Bɔbə̄ Ngōn̄ tár Ngōn̄, adə̄ əya̰ yá̰a̰ malang kem jīn tə́.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

Makətūbə̄ ń Jud ndang ní 1:21

Sḭḭ̄ kɔ́ gə̄ ī-ngɔ̄mī rɔ̄sí. Ī-raī dɔ táŕ ń Nə́ɓā táŕsí tə́ ní ī-ngóōīneé ta ndi kə kumuú kə́ ngándáńg ń Kɔ́ɔ̄ɓē Jeju Kərist a adə̄sí kə ta kūl̄ kem majə yānneé ní.

1 JA̰A̰ 1:2

Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

PILIPƏ 2:10

Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō,

EPEJƏ 1:20

ni-ɔjə kə̄ ndágá dan ń ndóləń Jeju Kərist dan de kə́ koy gə̄ tə́, ba aw̄ń seneé aw̄ əndān dɔ jī ko̰n tə́ dɔ rā̰ tə́ ní.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.