JA̰A̰ 17:19 - Bibəl ta Sar̄

¹⁹ M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

Bible sar

¹⁹ M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

JA̰A̰ 17:19 Referans Kwoze

HEBƏRO 2:11

Jeju nge kɔ̄r̄ kam̄ de gə̄ tām̄ yā Nə́ɓā tə́ ō, ngé gə̄ ń ni-ɔr̄ kam̄də́ tām̄ yā Nə́ɓā tə́ ō ní, ni gē nin̄ gē ní, bɔbə̄də́ i kógə̄ḿ beē. I tām̄ najə̄ ń toō tə́ n rɔ̄n sɔlə̄n loo ɓāŕdə́ ngákó̰o̰n gə̄ tə́ aĺ ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

JA̰A̰ 17:17

Ɔ̄r̄ kam̄də́ tayā kə ta kūl̄ najə̄ kə́ rɔ̄kum, najə̄ yāí i najə̄ kə́ rɔ̄kum.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

1 TESALONIK 4:7

Tɔdɔ̄ Nə́ɓā ɓāŕjí i yā kadə̄ jḭḭ̄ i de kə́ majaĺ tákə̄də́ gə̄ alé, banī kadə̄ jḭḭ̄ i de kə́ háĺjí i háĺ kə́ unjə̄ njáý njáý gə̄.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

2 KORḚNTƏ 4:15

Ba yá̰a̰ malang ń rāājí ní i tām̄ yāsí sḭḭ̄ tə́. I tītə̄ ń noō n Nə́ɓā a rajəń de gə̄ kə̄ kété kété, yā kadə̄ kutə ngé ndadə̄n yā kɔsəń gɔnən gə̄ i ngá̰ý ní.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

HEBƏRO 9:13

Ré mósə bal bə̄yā̰ gə̄ ō, mósə man̄g kə́ bəra gə̄ ō, man̄ ń bū mandə man̄g i tū tə́ á sə̄kān̄ dɔ ngé gə̄ ń adə̄ majaĺ tákə̄ dā̰ rɔ̄də́ to̰ alé ba télən̄ de kə́ kɔr̄ kam̄ tām̄ yā Nə́ɓā tə́ gə̄ anī,

IJAI 62:1

Jerusalem, m-ā m̄-ndi taḿ mbóo alé, i tām̄ táŕ kə́ m̄-táriī tə́. Siyo̰, m-ā m̄-ndi kanjə̄ rāā yá̰a̰ alé, i tām̄ táŕ kə́ m̄-táriī tə́. m̄-ngóō kadə̄ gān̄g kə́ gāngə̄n̄ dɔí ɔjə rɔ̄n kə̄ ndágá tītə̄ loo kə́ dəloí kə́ unjə̄ beé ō, kadə̄ kajə kə́ ajiīn̄ unjə̄ tītə̄ lámbá kə́ əndān̄ hor tū tə́ beē ō.

HEBƏRO 9:18

I tām̄ ń toō tə́ n madə̄ naā kə́ ta kəga dɔ gə̄gē rāān̄ i kə mósə ní.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

JA̰A̰ 15:3

Sḭḭ̄ ūnjī njáý njáý kɔ̄ɔ́ kə ta kūl̄ najə̄ ń m-ə́dásí ní.

JA̰A̰ 15:13

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.

JA̰A̰ 17:20

m̄-ndɔ̄yī i tām̄ yādə́ nin̄ tə́ ngóy alé, banī i tām̄ yā ngé gə̄ ń a taān̄ kemḿ kə ta kūl̄ najə̄ yādə́ ní ō,

2 KORḚNTƏ 7:14

Ré m-ɔ́r ta rɔ̄ḿ najə̄ yāsí tə́ ta kumən tə́ anī, rɔ̄ḿ sɔlə̄m̄ najə̄n tə́ alé. Banī tītə̄ ń j-a j-ədasí i najə̄ kə́ rɔ̄kum ngándáńg ní, kɔr ń j-ɔr ta rɔ̄jí najə̄ yāsí tə́ ta kum Titə tə́ ní, najə̄ i yājí.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

1 JA̰A̰ 3:18

Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.