JA̰A̰ 17:11 - Bibəl ta Sar̄

¹¹ Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

Bible sar

¹¹ Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ *táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

JA̰A̰ 17:11 Referans Kwoze

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

EPEJƏ 4:4

Rɔ̄ i kógə̄ḿ beē ō, Ndíĺ i kógə̄ḿ beē ō, tītə̄ ń Nə́ɓā ɓārəńsí kadə̄ ə̄ndāī kemsí dɔ yá̰á̰ kə́ kógə̄ḿ beē tə́ ní ō.

PILIPƏ 2:9

I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō, əndā rī kə́ tɔȳ gotə rī gə̄ malang dɔn tə́ ní ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

IJAI 64:2

dan ń ī-rāā yá̰á̰ kə́ to ɓōĺ gə̄ kə́ deē əndā kemən dɔ tə́ aĺ ní. A̰á̰ā̰, nə́ngētə́ ī-risə i mbée anī, mbal̄ bo gə̄ a ndewn̄ noí tə́.

PĀ GƏ̄ 79:9

Nə́ɓā kə́ nge kajəjí, ī-rāā sejí ādə̄ de gə̄ tɔ̄ȳn̄neé rīí. Tām̄ yā rī ɓār̄ yāí tə́ ní, ī-gān̄g dɔjí ō, ə̄ndā njaí dɔ yá̰á̰ kə́ majaĺ gə̄ ń jə-rāā tə́ ní ō.

JEJU TEĒ KUM JA̰A̰ 4:8

Yá̰á̰ kə́ kə kumuú kə́ sɔ́ gə̄ ní, bɔ̄gə̄də́ gə̄ i mehḛ́ mehḛ́ kə dɔdə́ gēé. Kumdə́ i ngá̰ý gidə bɔ̄gə̄də́ gə̄ ní tə́ ō, kemeé ō. Kadaá gē ndɔ̄ɔ́ gē ní, nin̄-ədan̄ kanjə̄ taā koō na: Kɔ́ɔ̄ɓē Nə́ɓā ń i de kə́ bo kə́ tɔ́gən i ngá̰ý ní, ni i kə́ táĺ táĺ táĺ. Ni i Nge ń ndi kété ō, ndi ngɔlaā ō, a reē ō ní.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Makətūbə̄ ń Pol ndang adə̄ Rom gə̄ ní 12:5

Jḭḭ̄ ń i ngá̰ý ní, jə-toī i tītə̄ ń noō kə Kərist. Jḭḭ̄ i rɔ̄ kə́ kógə̄ḿ beē, ba jḭḭ̄ kógə̄ḿ kógə̄ḿ malang ní, jḭḭ̄ i ngán rɔ̄ de kə́ kógə̄ḿ beē.

Makətūbə̄ ń Pol ndang adə̄ Rom gə̄ ní 9:17

I beé n Nə́ɓā ədań Parao̰ najə̄ ń ndangən̄ kem makətūbūú na: I mā n m-úniī yā kɔjəń tɔ́gə́ḿ ō, yā kadə̄ rīḿ ɓārəń dɔ nang tə́ laā malang ō ní.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 7:33

Anī Jeju əda na: M-ā m̄-ndi sesí sḛ́ý ɓáý tá m-ā m-āw̄ rɔ̄ nge ń əlam̄ tə́ ní.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

EJEKIEL 20:44

Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

JEREMI 14:21

Ī-kídə̄jí alé najə̄ rīí kə́ to rɔȳ tə́. Ī-lōō kadə̄ kōr̄ kāgə̄ mbang yāí kə́ to kɔsə gɔn tél yá̰á̰ kə́ rim karī. Ādə̄ əga kemií dɔ madə̄ naā yāí ń ī-rāā sejí tə́ ní, ba ī-lōō mbātə́ kɔ̄ɔ́.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

IJAI 27:3

Mā Kɔ́ɔ̄ɓē, mā i nge ngɔ̄m̄ kāgə̄ nduú ngeē ń toō. m̄-rāā man̄ gírí i kə kum mbangən gēé malang. m̄-ngɔ̄mən kadaá ō, ndɔ̄ɔ́ ō, yā kadə̄ deē kógə̄ḿ rāān yá̰á̰ kə́ majaĺ alé.

JEJU TEĒ KUM JA̰A̰ 19:12

Kumən to tītə̄ ta ndo̰ hor ō, yá̰á̰ súū rɔ̄ gə̄ i ngá̰ý dɔn tə́ ō. Ndangən̄ rī kógə̄ḿ dɔn tə́. Ba deē kógə̄ḿ kə́ ger̄ rī ní gətóo ō, banī i nəkɔ́ tá ngóy.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

1 JA̰A̰ 3:12

Ba i kadə̄ jə-toī tītə̄ Kain ń ni i deē yā De kə́ Majaĺ adə̄ tɔ̄l̄ ngōkó̰o̰n ní alé. Ba ni-tɔ̄lən i tām̄ rí tə́? I tām̄ kəla rāān i kə́ majaĺ, banī yā ngōkó̰o̰n i kə́ gō tə́.

JA̰A̰ 17:6

De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.