JA̰A̰ 16:8 - Bibəl ta Sar̄

⁸ Loo ń ni a ugə̄ anī, a əhɔ de kə́ dɔ nang tə́ gə̄ kə najá tām̄ yā majaĺ tə́ ō, yá̰á̰ kə́ gōtə́ tə́ ō, sarya yā Nə́ɓā tə́ ō.

Bible sar

⁸ Loo ń ni a ugə̄ anī, a əhɔ de kə́ dɔ nang tə́ gə̄ kə najá tām̄ yā majaĺ tə́ ō, yá̰á̰ kə́ gōtə́ tə́ ō, sarya yā Nə́ɓā tə́ ō.

JA̰A̰ 16:8 Referans Kwoze

Makətūbə̄ ń Jud ndang ní 1:15

yā rāań sarya kə de gēé malang ō, yā kɔsəń ngóýdə́ ō, tām̄ yā yá̰á̰ kə́ majaĺ gə̄ malang ń nin̄-rāān̄ loo ngé mbātə́ rāā yá̰a̰ kə gō ń Nə́ɓā ndigə tə́ ní ō, tām̄ yā najə̄ kə́ tōr̄ gə̄ malang ń ngé rāā majaĺ kə́ ngé ɓōĺ ndíl de gə̄ aĺ gə̄ ń noō ədan̄ dɔn tə́ ní ō.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

1 KORḚNTƏ 14:24

Ba ré ngé taā kem gə̄ malang ədan̄ i najə̄ kə́ Nə́ɓā əndā tadə́ tə́, tá nge taā kem aĺ kógə̄ḿ, aláa i de kə́ ger̄ yá̰a̰ aĺ kógə̄ḿ, udə gōdə́ tə́ anī, najə̄ ń ni-oō ní rāā adə̄ ni-ger̄ majaĺ yān. Najə̄ malang ń ni-oō ní rāā sarya seneé ō,

JA̰A̰ 8:9

De gə̄ ń oōn̄ najə̄ ń noō ní ɔrə̄n̄ rɔ̄də́ kógə̄ḿ kógə̄ḿ kɔ̄ɔ́, nga tɔ́gə gə̄ aw̄n̄ kété, pá tá gotə gə̄ aw̄n̄ gōdə́ tə́, adə̄ na̰y i Jeju ngóy nin̄ kə dəyá̰ ń əndānən̄ dandə́ tə́ ní.

JA̰A̰ 8:46

I náā kə́ dansí tə́ n asə kɔjəm̄ dɔ majaĺ kə́ m̄-rāā ní? Ré m-ə́dásí najə̄ kə́ rɔ̄kum anī, i tām̄ rí tə́ á ī-taāī kemḿ aĺ ní?

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

JA̰A̰ 16:9

Kə́ ɔjə dɔ yá̰á̰ kə́ majaĺ ɓáa, i tām̄ nin̄-taān̄ kemḿ alé.

LEBI GƏ̄ 13:12

Ba ré yá̰a̰ teē rɔ̄ deē ní taā rɔ̄n malang, əla gír jam dɔn tə́ bátə́ ugə̄ń da njan tə́ anī,