JA̰A̰ 16:5 - Bibəl ta Sar̄

⁵ Ngɔlaā m-ā m̄-tél yā kaw̄ kə̄ rɔ̄ nge ń əlam̄ tə́ ní, ba deē kógə̄ḿ dansí tə́ kə́ dəjem̄ na ké ā āw̄ i kə̄ rá wa ní gətóo.

Bible sar

⁵ Ngɔlaā m-ā m̄-tél yā kaw̄ kə̄ rɔ̄ nge ń əlam̄ tə́ ní, ba deē kógə̄ḿ dansí tə́ kə́ dəjem̄ na ké ā āw̄ i kə̄ rá wa ní gətóo.

JA̰A̰ 16:5 Referans Kwoze

JA̰A̰ 13:36

Simo̰ Piyer ədan na: Kɔ́ɔ̄ɓē, a āw̄ i kə̄ rá? Jeju tél ədan na: Loo ń m-ā m-āw̄ kə̄ tū tə́ ní, ngɔlaā ásə kun gōḿ yā kaw̄ tū tə́ alé, banī gō tə́ pá tá ā ún gōḿ ɓáý.

JA̰A̰ 7:33

Anī Jeju əda na: M-ā m̄-ndi sesí sḛ́ý ɓáý tá m-ā m-āw̄ rɔ̄ nge ń əlam̄ tə́ ní.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 17:4

M-ɔ́sə gɔnií dɔ nang tə́ laā, m̄-tɔ̄l̄ ta kəla ń ādə̄m̄ kadə̄ m̄-rāā ní.

JA̰A̰ 16:10

Kə́ ɔjə dɔ yá̰á̰ kə́ gōtə́ ɓáa, i tām̄ m-ā m-āw̄ kə̄ rɔ̄ Bɔbə́ḿ tə́, ba sḭḭ̄ ā á̰a̰mī to̰ alé.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

JA̰A̰ 16:16

Sḛ́ý to̰ anī, ā á̰a̰mī alé, banī gō tə́ sḛ́ý anī, ā á̰a̰mī.

JA̰A̰ 14:28

Sḭḭ̄ ōōī najə̄ ń m-ə́dásí ní. M-ə́da na: M-ā m-āw̄, ba m-ā m̄-tél yā reē rɔ̄sí tə́. Ré ī-tármī anī, rɔ̄sí a nel̄sí tām̄ kaw̄ḿ kə̄ rɔ̄ Bɔbə́ḿ tə́, tɔdɔ̄ Bɔbə́ḿ i kə́ bo tɔȳm̄.

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?

JA̰A̰ 17:13

Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.

JA̰A̰ 16:17

Gō najə̄ ń noō tə́ ní, ngé ndóō yá̰á̰ kə́rēý gə̄ dəjen̄ naā dɔ dáńdə́ tə́ na: Nge ń ədají noō kumən na i rí? Əda na sḛ́ý to̰ anī, j-a j-a̰a̰niī alé, ba gō tə́ sḛ́ý anī, j-a j-a̰a̰niī. Əda ɓáý to̰ na i tām̄ na n-a n-aw̄ kə̄ rɔ̄ Bɔbə̄n tə́.