JA̰A̰ 16:32 - Bibəl ta Sar̄

³² Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

Bible sar

³² Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

JA̰A̰ 16:32 Referans Kwoze

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

MATIYE 26:31

Anī Jeju əda ngé ndóō yá̰a̰ yān gə̄ na: Ndɔ̄ɔ́ ɓōólaā nəkɔ́ ń toō ní sḭḭ̄ malang a ə́ya̰mī kɔ̄ɔ́. Tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

JA̰A̰ 8:29

Nge ń əlam̄ ní i seḿ, ni-əya̰m̄ kə kerə́ḿ alé. Tɔdɔ̄ m̄-rāā yá̰á̰ kə́ nelə̄n kə ndɔ̄ gə̄.

JA̰A̰ 8:16

Ba ré mā m̄-gān̄g sarya anī, m̄-gān̄g i sarya kə́ rɔ̄kum. Tɔdɔ̄ mā i kə kérə́ḿ alé, banī Bɔbə́ḿ ń əlam̄ ní i seḿ.

MARK 14:27

Jeju ədadə́ na: Sḭḭ̄ malang ā ə́ya̰mī kɔ̄ɔ́, tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

JA̰A̰ 20:10

Gō tə́ anī, ngé ndóō yá̰á̰ kə́ jōó gə̄ ní tél aw̄n̄ gogə́ ɓēé.

JA̰A̰ 16:25

M-ə́dásí yá̰a̰ gə̄ ń toō i kə kūjə́ najá, banī ndɔ̄ a reē noó kadə̄ m-ā m-ɔ̄r̄ najə̄ kə́ dɔ Bɔbə́ḿ tə́ sesí kadə̄ unjə̄ wáńg wáńg.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

JA̰A̰ 4:23

Banī kum mbang a reē noó, ba kum mbang ní ugə̄ kɔ̄ɔ́. Kum mbang ngeé ń noō tə́ ní, ngé rɔȳ kə́ rɔ̄kum gə̄ a rɔȳn̄ Bɔbə̄ Ngōn̄ i kə ta kūl̄ Ndíl ō, kə́ rɔ̄kum tə́ ō. Tɔdɔ̄ i ngé rɔȳ kə́ tītə̄ ń noō gə̄ n Bɔbə̄ Ngōn̄ a sāādə́ ní.

JA̰A̰ 4:21

Jeju ədan na: Dəyá̰, ī-taā kemḿ, ndɔ̄ a reē noó kadə̄ ā ī-rɔyī i dɔ mbal̄ ń toō tə́ aĺ ō, i Jerusalem aĺ ō.

JA̰A̰ 12:23

Anī Jeju tél ədadə́ na: Mbang asə kɔ̄ɔ́ adə̄ ɔsən̄ gɔn Ngōn̄ Deē.

JA̰A̰ 5:28

Ādə̄ najə̄ ń toō ɔr̄ kumsí alé, tɔdɔ̄ ndɔ̄ a reē noó kadə̄ de gə̄ malang ń ton̄ bəlo yo gə̄ tə́ ní a oōn̄ ndūn ba a teēn̄.

JA̰A̰ 5:25

Ādə̄ m-ə́dásí najə̄ kə́ bo ngá̰ý, ndɔ̄ ń kadə̄ de kə́ koy gə̄ a oōń ndū Ngōn̄ Nə́ɓā ní a reē, ń toō ndɔ̄ ní ugə̄ ɓá, ba ngé gə̄ ń a oōn̄ ndūn ní a ndin̄ kə kumdə́.

MARK 14:50

Dan ń noō tə́ ní, deē yān gə̄ əya̰nən̄ ba a̰ȳn̄ naā malang kɔ̄ɔ́.

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

JA̰A̰ 16:31

Jeju tél ədadə́ na: Ngɔlaā ī-taāī kem tā a?

JA̰A̰ 19:27

Kutə̄ gō anī, əda nge ndóō yá̰a̰ yān na: Á̰á̰ kó̰ó̰í n ra noó. Ba əla gír kum mbang ngeé ń noō tə́ ní, nge ndóō yá̰á̰ ní aw̄ seneé ɓēé looneé.

KƏLA RĀĀ 21:6

Dan ń jə-rāā naā lápə́ya j-a̰ȳń ta njají oy anī, jḭḭ j-al̄ kem too boó banī nin̄-télən̄ ta kaw̄ kə̄ gogə́ ɓēé.