JA̰A̰ 16:22 - Bibəl ta Sar̄

²² I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

Bible sar

²² I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

JA̰A̰ 16:22 Referans Kwoze

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

KƏLA RĀĀ 13:52

Ba ngé ndóō yá̰a̰ gə̄ kə́ A̰tiyos tá rɔ̄də́ nel̄də́ ngá̰ý ō, Ndíĺ kə́ Táĺ rosə kemdə́ ō.

JA̰A̰ 16:6

Ba rɔ̄sí nel̄sí alé, i tām̄ kəda ń m-ə́dásí najə̄ ń noō ní.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

KƏLA RĀĀ 16:25

Ta kaw̄ kə̄ dan loo tə́ anī, Pol nin̄ kə Silas ndɔ̄ȳn̄ ō, ənīn̄ pā tɔ̄ȳn̄neé Nə́ɓā ō. Gotə dəngáy gə̄ oōn̄ ndūdə́.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 146:2

M-ā m̄-tɔ̄ȳ Kɔ́ɔ̄ɓē kə dɔ ndɔ̄ gə̄ malang ń m-ā m̄-ndiń kə kumḿ ní. Gotə ndɔ̄ gə̄ malang ń m-ā m̄-ndiń kə kumḿ ní, m-ā m-ə̄nī pā tām̄ yā Nə́ɓā yāḿ tə́.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

HEBƏRO 10:34

Tɔdɔ̄ sḭḭ̄ á̰a̰ī tápə̄ naā tə́ kə ngé gə̄ n əhɔn̄də́ dəngáyá ní. Ba dan ń táān̄ yá̰a̰ kənge yāsí gə̄ jīsí tə́ kɔ̄ɔ́ ní, rɔ̄sí nel̄sí, tām̄ ī-gerī kadə̄ yá̰á̰ ń sḭḭ̄ ə́ngeī ní, i yá̰á̰ kə́ majə tɔȳ kə́ a to ngándáńg.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JA̰A̰ 21:7

Anī nge ndóō yá̰á̰ ń Jeju tárən ngá̰ý ní əda Piyer na: I Kɔ́ɔ̄ɓē. Dan ń Simo̰ oō na i Kɔ́ɔ̄ɓē anī, əla kūbə̄ rɔ̄n tə́, tām̄ rɔ̄n i karī, ba ḭḭ bal əsō kum bā bo tə́.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JA̰A̰ 14:1

Jeju əda ngé ndóō yá̰a̰ yān gə̄: Ādī kemsí sōl̄ alé: Ī-taāī kem Nə́ɓā ō, ī-taāī kemḿ mā ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

Najə̄ kə́ Majə yā Jeju ń Luk ndang ní 24:41

Banī taān̄ kem aĺ ɓáý, tām̄ rɔ̄nel̄ asədə́ nák ō, ɔr kumdə́ ngá̰ý ō, anī Jeju dəjedə́ na ké yá̰á̰ kógə̄ḿ kə́ yā kəsa gətóo laā wa.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

Najə̄ kə́ Majə yā Jeju ń Luk ndang ní 10:42

Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

MATIYE 28:8

Nin̄-ɔtə̄n̄ kə ɓōló ō, kə rɔ̄nel̄ kə́ ngá̰ý ō, láẃ ngá̰ý kɔ̄ɔ́ dɔ ɓádə́ tə́, ba a̰ȳn̄ ngɔ̄də̄ aw̄ ədan̄ ngé ndóō yá̰a̰ yā Jeju gə̄ najə̄ ní.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

Najə̄ kə́ Majə yā Jeju ń Luk ndang ní 19:26

Ni ədadə́ na: Ādə̄ m-ə́dásí, deē ń i kə yá̰á̰ ní, a adə̄nən̄ madə̄ dɔ tə́, ba deē ń i kə yá̰á̰ aĺ ní, a taān̄ ni kə́ ngá̰ý aĺ nəkɔ́ ń noō jīn tə́ kɔ̄ɔ́.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

JA̰A̰ 16:16

Sḛ́ý to̰ anī, ā á̰a̰mī alé, banī gō tə́ sḛ́ý anī, ā á̰a̰mī.

PĀ GƏ̄ 33:21

Rɔ̄nel̄ kə́ kemjí tə́ ḭḭ i rɔ̄n ni tə́ ō, jḭḭ̄ j-əndāī kemjí i dɔ rīn kə́ táĺ ngá̰ý tə́ ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.