JA̰A̰ 16:21 - Bibəl ta Sar̄

²¹ Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

Bible sar

²¹ Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

JA̰A̰ 16:21 Referans Kwoze

PĀ GƏ̄ 113:9

Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. Aleluya!

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

MISE 4:10

Ādə̄ rɔ̄sí tōr̄sí ō, ī-nōōī ō, tītə̄ dəyá̰ kə́ a ojə ngōn̄ beé. Tɔdɔ̄ ngɔlaā ní, ā ī-teēī kem ɓēé yā kaw̄ ndi bembeé ō, ā āwī bátə́ yā kugə̄ Babilon ō. A əya̰n̄sí dɔɔ́ loo ń noō tə́, Kɔ́ɔ̄ɓē a taāsí jī madə̄ ba̰ā̰sí gə̄ tə́ loo ń noō tə́.

GALATƏ 4:27

Tɔdɔ̄ ndangən̄ kem makətūbə̄ yā Nə́ɓā tə́ na: Dəyá̰ kə́ kujə, ḭ̄ ń ójə ngōn̄ aĺ ní, ī-rāā rɔ̄nel̄. Ḭ̄ ń ī-ger̄ tápə̄ yā kojə ngōn̄ aĺ ní, ə́la ndīĺ rɔ̄nel̄. Tɔdɔ̄ ngán kem dəyá̰ kə́ kəya̰ kɔ̄ɔ́ i ngá̰ý tɔȳ ngán kem dəyá̰ kə́ ndi jī ngaan tə́.

TA KƏLA 3:16

Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 66:7

Jerusalem ojə ngōn̄ kété no rɔ̄tōr̄ yā kojə ngōn̄ tə́, ni ojə ngōn̄ kə́ dəngam pá tá kadə̄ rɔ̄n əla gír tōrə̄n ɓáý.

MISE 4:9

Sḭḭ̄ de kə́ Jerusalem gə̄, ngɔlaā ə́gaī kɔŕ i najə̄ rí tə́? Rɔ̄sí tōr̄sí tītə̄ dəyá̰ kə́ a ojə ngōn̄ beé i tām̄ rí tə́? Mban̄g yāsí gətóo i mbée a? Ngé kadə̄sí kɔjə̄ gə̄ oyn̄ i mbée kɔ̄ɔ́ a?

Makətūbə̄ yā Job 11:16

Tɔdɔ̄ ā ī-gír̄ dɔ tápə̄ yāí gə̄ tə́ to̰ alé. A əga kemií dɔ tə́ i tītə̄ loo kəga ń əga kemií dɔ man̄ kə́ nūgə́ aw̄ kɔ̄ɔ́ tə́ ní beē.