Biblia Todo Logo
Bib sou entènèt

- Piblisite -




JA̰A̰ 16:13 - Bibəl ta Sar̄

13 Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

Gade chapit la Kopi

Bible sar

13 Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

Gade chapit la Kopi




JA̰A̰ 16:13
32 Referans Kwoze  

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.


De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.


Loo ń m-ā m-ūgə̄ rɔ̄ Bɔbə̄ Ngōn̄ tə́ anī, m-ā m-ə́la kə nge ndi sesí ń i Ndíĺ najə̄ kə́ rɔ̄kum ní yā kadə̄sí. Loo ń a ugə̄ anī, a əda najə̄ kə́ kum tə́ yāḿ.


Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.


Banī sḭḭ̄ ə́ngeī Ndíĺ kə́ Táĺ ń Kərist adə̄sí ní ō, sḭḭ̄ malang ī-gerī najə̄ kə́ rɔ̄kum ō.


Tɔdɔ̄ m-ɔ̄r̄ najə̄ i kə dɔḿ mə̄kɔ́ alé, banī Bɔbə́ḿ ń əlam̄ ní i ni n adə̄m̄ gō míndən kadə̄ m-ə́da ō, kadə̄ m-ndóō de gə̄ ō ní.


Jḭḭ̄ i yā Nə́ɓā. Deē ń ger̄ Nə́ɓā ní, a oō yājí. Deē ń i yā Nə́ɓā aĺ ní, a oōjí alé. J-a jə-gerī Ndíl najə̄ kə́ rɔ̄kum ō, ndíĺ kə́ nge ndúm̄ kə deé ō i tītə̄ ń noō.


Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.


I beé ní, yá̰a̰ gə̄ ń á̰á̰də́ kɔ̄ɔ́ ō, yá̰a̰ gə̄ ń ā á̰á̰də́ toō ō, yá̰a̰ gə̄ ń a utə̄n̄ gōdə́ ɓáý ō ní, ī-ndangdə́ makətūbūú.


M-ə́dásí i yá̰á̰ ń m-á̰a̰ rɔ̄ Bɔbə́ḿ tə́ ní, ba sḭḭ̄ ī-rāāī i yá̰á̰ ń ōōī ta bɔbə̄sí tə́ ní.


Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.


Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.


kadə̄ gāngə̄n̄neé sarya dɔ de gə̄ malang ń taān̄ kem najə̄ kə́ rɔ̄kum alé, banī i yá̰á̰ kə́ gōtə́ aĺ tá nel̄də́ ní.


ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.


Yá̰á̰ ń m̄-ger̄ ní n toó ngóy: Ndíĺ kə́ Táĺ tām̄ kə gō ɓē gə̄ kadə̄ dəngáy ō, wur kɔl ō, ton̄ a ngóōmə̄n̄ noó.


Nge ń ḭḭ dɔ rā̰ tə́ reē ní, əda i yá̰á̰ ń ni-a̰ā̰ ō, oō ō ní, ba deē kógə̄ḿ kə́ ndigə koō najə̄ kə́ kum tə́ yān gətóo.


Deē kógə̄ḿ kə́ dandə́ tə́ ń rīn na i Agabus ní Ndíĺ kə́ Táĺ ɔjən kadə̄ ɓō kə́ ngá̰ý a əsō dɔ nang tə́ malang, adə̄ ni-ḭḭ dɔɔ́ əda de gə̄. Ɓō ní əsō rɔ̄kum ɓāl̄ ko̰o̰ ɓē yā Kəlodə tə́.


Ndíl Kɔ́ɔ̄ɓē a ndi dɔn tə́. A adə̄n kum kedə̄ ō, kəndā ma̰ȳ yá̰a̰ ō, a rāā seneé kadə̄ a unəń ndūn dɔ yá̰a̰ gə̄ tə́ ō, a adə̄n wur kil ō, a rāā kadə̄ a ger̄ Kɔ́ɔ̄ɓē ō, a ndóōn loo ɓōĺ ndíĺ Kɔ́ɔ̄ɓē ō.


M-āw̄ kə yá̰a̰ gə̄ ngá̰ý kadə̄ m-ə́dásí ɓáý, ba sḭḭ̄ ásiī ger̄ kum ngɔr ń toō tə́ alé.


Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.


I Jeju Kərist n reē kə ta kūl̄ man̄ ō, mósə ō ní. Reē i kə ta kūl̄ man̄ ngóy alé, banī i kə ta kūl̄ man̄ ō mósə ō. Tá i Ndíĺ kə́ Táĺ n i nge kəda najə̄ kə́ kum tə́ dɔn tə́ ní, tɔdɔ̄ Ndíĺ kə́ Táĺ i najə̄ kə́ rɔ̄kum.


Swiv nou:

Piblisite


Piblisite