JA̰A̰ 16:1 - Bibəl ta Sar̄

¹ M-ə́dásí najə̄ gə̄ ń toō malang i yā kadə̄ loo ń ré yá̰a̰ gə̄ a nāān̄sí anī, ə̄sōī alé.

Bible sar

¹ M-ə́dásí najə̄ gə̄ ń toō malang i yā kadə̄ loo ń ré yá̰a̰ gə̄ a nāān̄sí anī, ə̄sōī alé.

JA̰A̰ 16:1 Referans Kwoze

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

MATIYE 13:21

ba əya̰n̄ najə̄ ní adə̄ əla ngəran kemdə́ tə́ alé. Ndigən̄ najə̄ ní ndin̄neé kum i ngá̰ý alé. Loo ń wur kɔl əsō dɔdə́ tə́, aláa rāān̄də́ ndoō tə́ tām̄ yā najə̄ tə́ anī, nin̄-lōn̄ gír taā kem najə̄ ní tə́ kɔ̄ɔ́.

JA̰A̰ 16:4

M-ə́dásí najə̄ ń toō i yā kadə̄ loo ń ndɔ̄ ní ugə̄ anī, əga kemsí dɔ tə́ kadə̄ m-ə́dásí kɔ̄ɔ́. M-ə́dásí najə̄ ní kété alé, i tɔdɔ̄ mə̄kɔ́ i sesí ɓáý.

MATIYE 24:10

Dan ngeé ń noō tə́ ní, de gə̄ ngá̰ý a əya̰n̄ taā kem kɔ̄ɔ́. Nin̄ a unən̄ dɔ naā yā gātəń ō, a imə̄n̄ naā ō.

Makətūbə̄ ń Pol ndang adə̄ Rom gə̄ ní 14:21

Yá̰á̰ kə́ majə ní, i kadə̄ ī-lōō gír kəsa dā̰ tə́ ō, ka̰ȳ kasə nduú tə́ ō, ī-lōō gíŕ yá̰á̰ malang ń a rāā kadə̄ ngōkó̰ó̰í əsō kum majaĺ tə́ ní.

MATIYE 13:57

Jeju i tītə̄ bə̄dē kə́ əgadə́ beé. Tā anī Jeju ədadə́ na: Nge koō ta ní, de gə̄ a kídə̄nən̄ i kem ɓē kojən tə́ ngóy ō, gír kojə yān tə́ ngóy ō.

MATIYE 11:6

Ba rɔ̄nel̄ i kə deē ń a lōō gír taā kemḿ mā tə́ aĺ ní.

JA̰A̰ 15:11

M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.