JA̰A̰ 15:8 - Bibəl ta Sar̄

⁸ Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

Bible sar

⁸ Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

JA̰A̰ 15:8 Referans Kwoze

JA̰A̰ 8:31

Jeju ɔr̄ najə̄ kə Jipə gə̄ ń taān̄ kemən ní, ədadə́ na: Ré ī-ngɔ̄mī najə̄ yāḿ anī, sḭḭ̄ i ngé ndóō yá̰a̰ yāḿ kə́ rɔ̄kum gə̄.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JA̰A̰ 15:5

Mā i kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

1 KORḚNTƏ 6:20

Nə́ɓā mangsí, ni-adə̄ yá̰a̰ gíŕsí tə́ kɔ̄ɔ́. I beé ní, ɔ́siī gɔn Nə́ɓā kə rɔ̄sí.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

Makətūbə̄ yā Aje 1:8

Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.