JA̰A̰ 15:7 - Bibəl ta Sar̄

⁷ Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

Bible sar

⁷ Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

JA̰A̰ 15:7 Referans Kwoze

PĀ GƏ̄ 37:4

Ādə̄ i Kɔ́ɔ̄ɓē n i nge rāā kadə̄ rɔ̄í nelī ngá̰ý ní. Loo ń noō tə́ ni a adī yá̰á̰ ń ī-dəjen ní.

1 JA̰A̰ 5:14

Jə-ndiī kanjə̄ sōl̄ yá̰á̰ kógə̄ḿ ta kum Nə́ɓā tə́. Tɔdɔ̄ ré jə-dəjeniī yá̰á̰ kə́rēý kə gō kem ndigə yānneé anī, ni-oōjí.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

MATIYE 7:7

Ī-dəjeī anī a adə̄n̄sí, ī-sāāī anī ā ə́ngeī, ī-gógī ta róbə anī a teēn̄ yā kadə̄sí.

JA̰A̰ 16:23

Ndɔ̄ ń noō tə́ ní ā ī-dəjemī kum yá̰á̰ kógə̄ḿ to̰ alé. Ādə̄ m-ə́dásí najə̄ kə́ bo ngá̰ý, ré ī-dəjeī Bɔbə́ḿ yá̰á̰ kógə̄ḿ kə rīḿ anī, ni a adə̄sí.

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

Gōsə̄ najə̄ gə̄ 10:24

I yá̰á̰ ń nge kem ndul ɓōĺ najə̄n tə́ ní n reē rāān ní. Nə́ɓā a adə̄ de kə́ súmūú gə̄ yá̰á̰ ń nin̄ gḛyn̄ ní.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

IJAI 58:8

Loo ń noō tə́ loo kə́ unjə̄ kow yāí a teē tītə̄ ta gír loo kə́ atə wororo beé ō, do yāí a idə̄ láẃ ō. Yá̰a̰ rāāí kə́ gōtə́ a njə̄rā kété noí tə́ ō, kɔsə gɔn yā Kɔ́ɔ̄ɓē a njə̄rā gogə́ gōí tə́ ō.

NDŪ NAJƏ̄ 6:6

Yá̰á̰ kə́ yā rāā gə̄ ń m-ɔ́jiī ɓōólaā toó, ā ə́hɔ́də́ kemií tə́ kadə̄ ngan̄g.

1 JA̰A̰ 2:14

Sḭḭ̄ ngánə́ḿ kə́ dūú gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī Bɔbə̄jí. Sḭḭ̄ bɔbə̄ ngán gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní. Sḭḭ̄ balsáa gə̄, m̄-ndang makətūbə̄ m-ādə̄sí i tām̄ tɔ́gə́sí to ō, najə̄ yā Nə́ɓā to kemsí tə́ ō, ī-tetiī de kə́ majaĺ rɔ̄ɔ̄ ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Gōsə̄ najə̄ gə̄ 4:4

Bɔbə́ḿ ɔjəm̄ yá̰a̰ əda na: Ādə̄ kemií əhɔ najə̄ yāḿ, yá̰a̰ gə̄ ń m-ə́daī kadə̄ ī-rāā ní ī-ngɔ̄m̄, anī ā ī-ndi kə kumií.

Makətūbə̄ yā Job 22:26

Tɔdɔ̄ i loo ń noō tə́ n ā ī-rāā Nə́ɓā kə́ tɔ́gən i ngá̰ý rɔ̄nel̄ yāí kə́ al̄ naā tə́ ní ō, ā ɔ̄r̄ dɔí dɔɔ́ yā ka̰a̰ loo kum kə̄ rɔ̄ Nə́ɓā tə́ ō ní.

JA̰A̰ 8:37

m̄-ger̄ kadə̄ sḭḭ̄ i ngán kaa Abəraham gə̄, banī ī-sāāī tɔ̄lə̄m̄. Tɔdɔ̄ najə̄ yāḿ ənge loo kemsí tə́ alé.

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

GALATƏ 4:2

tɔdɔ̄ ni-ndi i gíŕ tɔ́gə yā de kə́ ngé ngɔ̄mə̄n gə̄ tə́ ō, ngé ngɔ̄m̄ yá̰a̰ yān gə̄ tə́ ō, bátə́ kadə̄ ndɔ̄ ń bɔbə̄n ɔjə ní ugə̄ pá tá.

1 MBAN̄G GƏ̄ 3:5

Dan ń Salomo̰ i Gabaon ní, Kɔ́ɔ̄ɓē Nə́ɓā ndɔ̄bən kem nī tə́ dan ndɔ̄ɔ́, ədan na kə dəjen yá̰á̰ ń kemən gḛy ní na n-a n-adə̄n.

JA̰A̰ 8:31

Jeju ɔr̄ najə̄ kə Jipə gə̄ ń taān̄ kemən ní, ədadə́ na: Ré ī-ngɔ̄mī najə̄ yāḿ anī, sḭḭ̄ i ngé ndóō yá̰a̰ yāḿ kə́ rɔ̄kum gə̄.