JA̰A̰ 15:6 - Bibəl ta Sar̄

⁶ Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

Bible sar

⁶ Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

JA̰A̰ 15:6 Referans Kwoze

MATIYE 7:19

Kāgə̄ gə̄ malang ń anə̄n̄ majə aĺ ní, a tə́gān̄də́ yā ɓōkə́də́ horoó.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

MATIYE 13:41

Ngōn̄ Deē a əla deē yān kə́ dɔ rā̰ tə́ gə̄ kadə̄ a ɔrə̄n̄ yá̰a̰ malang ń a rāā de gə̄ adə̄ a tə́sōn̄ kum majaĺ tə́ ní ō, a ɔrə̄n̄ ngé rāā majaĺ gə̄ kɔ̄ɔ́ kem Ɓē ko̰o̰ yān tə́ ō, yā

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

2 PIYER 2:20

Tɔdɔ̄ ngé gə̄ ń teēn̄ kɔ̄ɔ́ kum yá̰á̰ kə́ yḛr gə̄ kə́ dɔ nang tə́, kə ta kūl̄ ger̄ Jeju Kərist ń i Kɔ́ɔ̄ɓē yājí ō, nge kajəjí ō ní, ré tél əya̰n̄ rɔ̄də́ adə̄ yá̰á̰ kə́ yḛr gə̄ ní ɓírə̄n̄də́ gogə́ ō, o̰o̰n̄ ɓē dɔdə́ tə́ gogə́ ō anī, ndidə́ kə́ ta tɔ̄l̄ ta tə́ ní majaĺ ngá̰ý tɔȳ kə́ kété ɓáý.

HEBƏRO 10:27

Yājí i yā kadə̄ ɓōĺ kə́ ngá̰ý rāājí tá jə-ngóōī i sarya ō, hor kə́ təngā ngá̰ý kə́ a o̰o̰ ngé ba̰ā̰ Nə́ɓā gə̄ ní ō.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

EJEKIEL 17:9

Ba mā Kɔ́ɔ̄ɓē Nə́ɓā m̄-dəje najə̄ m-ə́da na: Kāgə̄ nduú ń toō a asə rāā rɔ̄n a? Kə̄rō kə́ ta kəga dɔ a ró̰ȳ ngəran gə̄ kɔ̄ɔ́ ō, a tə́jā kanə̄n gə̄ kɔ̄ɔ́ ō aláa? Gō tə́ anī ta jīn kə́ kijə gə̄ a tutən̄ kɔ̄ɔ́ aĺ a? Yā kɔr̄nəń kɔ̄ɔ́ dɔ nang tə́ ní, ni a sāā i tɔ́gə́ kə́ ngá̰ý tá aĺ ō, ni a sāā i de kə́ ngá̰ý gə̄ tá aĺ ō.

IJAI 14:19

Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

PĀ GƏ̄ 80:15

Nə́ɓā kə́ bo kə́ tɔ́gən i ngá̰ý, ī-tél ī-reē. Ī-ndi dɔɔ́ dɔ rā̰ tə́ á̰a̰ń yá̰á̰ ń a rāā yá̰á̰ ní, ba ī-reē ī-dḭḭ̄ kāgə̄ nduú ń toō.

Makətūbə̄ yā Job 15:30

Ni a teē kɔ̄ɔ́ kum til tə́ alé. Ni i kāgə̄ kə́ hor o̰o̰ ta jīn gə̄ kɔ̄ɔ́! Koō kə́ ta Nə́ɓā tə́ a unən yā kaw̄ seneé sa̰y kɔ̄ɔ́.

MATIYE 27:5

Judas ɓōkə́ nar ní kem kújə́ yā Kɔ́ɔ̄ɓē tə́, ba teē aw̄ ənī kəlā.

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

2 SAMUEL 23:7

Deē ń a sāā kɔdə rɔ̄də́ ní a əhɔ i gində̄ aláa i kāgə̄ nənga jīn tə́, ba a əla hor dɔdə́ tə́ malang i kə̄ loo nəkɔ́ ń noō tə́.