JA̰A̰ 15:5 - Bibəl ta Sar̄

⁵ Mā i kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

Bible sar

⁵ Mā i *kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

JA̰A̰ 15:5 Referans Kwoze

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Gōsə̄ najə̄ gə̄ 11:30

Kəla rāā de kə́ súmūú a rāā kadə̄ deē ndi kə kumneé ō, hángal de gə̄ dəba ra dɔ najə̄ kɔr̄ de kə́ nge kum kedə̄ tə́ ō.

2 KORḚNTƏ 13:8

Tām̄ tɔ́gə́jí kə́ yā kadə̄ jə-rɔ̄ɔń najə̄ kə́ rɔ̄kum yā Nə́ɓā gətóo. Tɔ́gə́ ń j-aw̄ń ní i tām̄ yā najə̄ kə́ rɔ̄kum tə́ ngóy.

JA̰A̰ 5:19

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, Ngōn̄ asə rāā yá̰á̰ kógə̄ḿ kə deē dɔneé alé. Ni a rāā i yá̰á̰ ń a̰a̰ Bɔbə̄n loo rāā tə́ ní ngóy. Tām̄ yá̰a̰ malang ń Bɔbə̄ Ngōn̄ rāā ní, Ngōn̄ a rāā i mbée ō.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JA̰A̰ 9:33

Ré deē ń noō ḭḭ i rɔ̄ Nə́ɓā tə́ aĺ anī, asə rāā yá̰á̰ kógə̄ḿ alé.

PILIPƏ 4:17

Ré m-ɔ̄r̄ najə̄ tītə̄ ń noō anī m̄-sāā i kadə̄ de gə̄ adə̄mə̄n̄ yá̰a̰ alé, ba m̄-sāā i kadə̄ man̄ kəla yāsí reē kə dɔ madə̄ tə́ tām̄ yāsí tə́.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

1 KORḚNTƏ 12:12

Tɔdɔ̄ rɔ̄ deē i kógə̄ḿ beē, banī ngán rɔ̄n gə̄ i ngá̰ý. Ba ngán rɔ̄n gə̄ ń gíŕdə́ i ngá̰ý noō ɓoon̄ naā anī, télən̄ i rɔ̄ de kə́ kal kógə̄ḿ beē. Ba Kərist i tītə̄ ń noō ō.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

1 KORḚNTƏ 12:27

Sḭḭ̄ malang i rɔ̄ Kərist kə taá ō, sḭḭ̄ kógə̄ḿ kógə̄ḿ i ngán rɔ̄n gə̄ ō.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

2 KORḚNTƏ 9:10

Ba nge ń i nge kadə̄ nge kənda kōō kum kōō ō, yá̰a̰ kəsa ō ní, a adə̄sí kum kōō ō, a rāā kadə̄ kum kōō ní teē ngá̰ý ō, a rāā kadə̄ yá̰a̰ rāāsí kə́ ɔjə kadə̄ sḭḭ̄ i de kə́ gōtə́ gə̄ teē yá̰á̰ ngá̰ý ō.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

Makətūbə̄ ń Pol ndang adə̄ Rom gə̄ ní 12:5

Jḭḭ̄ ń i ngá̰ý ní, jə-toī i tītə̄ ń noō kə Kərist. Jḭḭ̄ i rɔ̄ kə́ kógə̄ḿ beē, ba jḭḭ̄ kógə̄ḿ kógə̄ḿ malang ní, jḭḭ̄ i ngán rɔ̄ de kə́ kógə̄ḿ beē.

1 KORḚNTƏ 10:16

Ī-gírī dɔ kópə tɔ́r̄ ta ń jə-ndadə̄ j-adī Nə́ɓā tāmən tə́ ní tə́: Dan ń j-a̰yī yá̰á̰ kə́ kemeé ní, ɓoojí naā tə́ kə mósə Kərist aĺ a? Tá mápá ń jə-gángī naā tə́ ní: Dan ń j-əsaī ní ɓoojí naā tə́ kə rɔ̄ Kərist aĺ a?

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

MATIYE 13:21

ba əya̰n̄ najə̄ ní adə̄ əla ngəran kemdə́ tə́ alé. Ndigən̄ najə̄ ní ndin̄neé kum i ngá̰ý alé. Loo ń wur kɔl əsō dɔdə́ tə́, aláa rāān̄də́ ndoō tə́ tām̄ yā najə̄ tə́ anī, nin̄-lōn̄ gír taā kem najə̄ ní tə́ kɔ̄ɔ́.