JA̰A̰ 15:25 - Bibəl ta Sar̄

²⁵ Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

Bible sar

²⁵ Banī i tām̄ kadə̄ najə̄ ń ndangən̄ kem *ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

JA̰A̰ 15:25 Referans Kwoze

PĀ GƏ̄ 109:3

Najə̄ yādə́ kə́ ɔjə kadə̄ nin̄ imə̄mə̄n̄ gīr̄ gidəḿ ō, nin̄ ənīmə̄n̄ rɔ̄ɔ̄ kanjə̄ kumən ō.

PĀ GƏ̄ 69:4

m̄-túr̄ kɔĺ sétə́ kɔr asəm̄ nák kɔ̄ɔ́. Kem míndə́ḿ təngām̄ tólóló. Kumḿ ɔr kɔ̄ɔ́ loo ngóō Nə́ɓā tə́.

PĀ GƏ̄ 35:19

Ādə̄ mā i kur̄ kəgō yā ngé gə̄ ń kemdə́ majaĺ seḿ kanjə̄ kumən ní alé. Ngé gə̄ ń imə̄mə̄n̄ kanjə̄ kumən ní, ādə̄ asədə́ kɔr̄ najə̄ kə naá kə ngēl̄ kumdə́.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

2 KORḚNTƏ 11:7

Téĺ ń mə̄kɔ́ m̄-tél kə rɔ̄ḿ kə̄ nang tə́ ba m-ɔ́sə́sí kə̄ dɔɔ́, tɔdɔ̄ m-ɔ́jə́sí Najə̄ kə́ Majə yā Nə́ɓā i karī ní, m̄-rāā i yá̰á̰ kə́ gōtə́ aĺ a?

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

2 TESALONIK 3:8

Yá̰á̰ ń j-əsa ní, i deē kógə̄ḿ n jə-dəjen kadə̄ adə̄jí ní alé. Banī jə-rāā kəla kə́ j-ɔr, j-a̰a̰ tápə̄ ndɔ̄ɔ́ ō, kadaá ō, yā kadə̄ j-ɔȳń deē kógə̄ḿ dansí tə́ alé.

GALATƏ 2:21

Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

Makətūbə̄ ń Pol ndang adə̄ Rom gə̄ ní 3:24

Ba Nə́ɓā rāādə́ adə̄ télən̄ de kə́ súmūú gə̄ i karī kə ta kūl̄ rajə yānneé, tām̄ Jeju Kərist gān̄g dɔdə́.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

JA̰A̰ 10:34

Jeju tél ədadə́ na: Ndangən̄ kem makətūbə̄ ndū najə̄ yāsí tə́ na: Nə́ɓā əda na sḭḭ̄ na i nə́ɓā gə̄.

PĀ GƏ̄ 7:4

Kɔ́ɔ̄ɓē, Nə́ɓā yāḿ, ré m̄-rāā yá̰á̰ ń ədan̄ ní, ré jīḿ rāā yá̰á̰ kə́rēý kə́ gōtə́ aĺ,

JA̰A̰ 19:36

Tɔdɔ̄ yá̰a̰ gə̄ ń noō malang rāān̄ yá̰á̰ i yā kadə̄ najə̄ kə́ ndang reē udəń gírí. Ndangən̄ na: A tetən̄ kə̄ngān kógə̄ḿ alé.

MATIYE 10:8

Ī-rāāī ngé mo̰y gə̄ ādə̄ rɔ̄də́ ngáā ō, ī-ndólī de kə́ koy gə̄ ō, ī-rāāī ādə̄ bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, ī-tə̄ɓāī ndíĺ kə́ majaĺ gə̄ kɔ̄ɔ́ ō. Sḭḭ̄ ə́ngeī i karī ní, ādī de gə̄ karī ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.