JA̰A̰ 15:22 - Bibəl ta Sar̄

²² Nə́ngētə́ m̄-reē m-ɔ̄r̄ najə̄ sedə́ aĺ anī, majaĺ yādə́ a gətóo. Ba ngɔlaā nin̄ a asən̄ kun najə̄ dɔdə́ tə́ kɔ̄ɔ́ tām̄ majaĺ yādə́ tə́ alé.

Bible sar

²² Nə́ngētə́ m̄-reē m-ɔ̄r̄ najə̄ sedə́ aĺ anī, majaĺ yādə́ a gətóo. Ba ngɔlaā nin̄ a asən̄ kun najə̄ dɔdə́ tə́ kɔ̄ɔ́ tām̄ majaĺ yādə́ tə́ alé.

JA̰A̰ 15:22 Referans Kwoze

JA̰A̰ 9:41

Jeju tél ədadə́ na: Ré sḭḭ̄ i ngé ka̰a̰ loo aĺ gə̄ anī, majaĺ yāsí a gətóo. Banī ngɔlaā ń toō ə́daī na sḭḭ̄ na á̰a̰ī loo, ādə̄ i tāmən ń toō tə́ n majaĺ yāsí toń gotoó ní.

JAKƏ 4:17

Adə̄ deē ń ger̄ rāā yá̰a̰ kə́ majə tá rāā aĺ ní, rāā i majaĺ.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

Makətūbə̄ ń Pol ndang adə̄ Rom gə̄ ní 1:20

Tɔdɔ̄ jóo nəkɔ́ ń Nə́ɓā rāań dɔ rā̰ ō dɔ nang ō toó ní, hálən kə́ majə kə́ dum̄ ka̰ā̰ gə̄, adə̄ i kə́ to ngándáńg ō, ngarān̄g kumən nəkɔ́ Nə́ɓā ō ní, deē a a̰a̰də́ i tū kəla rāān gə̄ tə́. I loo ń noō tə́ n najə̄ i dɔ de gə̄ tə́ malang ní.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

Najə̄ kə́ Majə yā Jeju ń Luk ndang ní 12:46

kɔ́ɔ̄n a tél yā reē kugə̄ i ndɔ̄ ń ni-ngóōn aĺ tə́ ní ō, i kum mbang ń ni-ger̄ aĺ tə́ ní ō. Kɔ́ɔ̄n ní a tə̄ɓān kɔ̄ɔ́ ō, a rāā kadə̄ yá̰á̰ ń a rāā de kə́ ran̄ dɔ ndūdə́ aĺ gə̄ ní rāān ō.

EJEKIEL 2:5

Ká ré nin̄ oōn̄ aáā oōn̄ aĺ aáā tām̄ nin̄ i gír de kə́ mbātə́ najə̄ gə̄ ní, a gerə̄n̄ kadə̄ nge koō ta kógə̄ḿ i dandə́ tə́.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

JA̰A̰ 15:23

Deē ń imə̄m̄ ní, im̄ i Bɔbə́ḿ.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

JA̰A̰ 16:9

Kə́ ɔjə dɔ yá̰á̰ kə́ majaĺ ɓáa, i tām̄ nin̄-taān̄ kemḿ alé.