JA̰A̰ 15:16 - Bibəl ta Sar̄

¹⁶ I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

Bible sar

¹⁶ I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

JA̰A̰ 15:16 Referans Kwoze

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

Najə̄ kə́ Majə yā Jeju ń Luk ndang ní 6:13

Dan ń loo tīī anī ni-ɓāŕ ngé ndóō yá̰a̰ yān gə̄ ba gə̄rā de gə̄ kutə gidə i jōó dandə́ tə́. Ni-əndā rīdə́ na i ngámbang kəla gə̄.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

1 JA̰A̰ 4:19

Ba jḭḭ̄ jə-táriī Nə́ɓā i tɔdɔ̄ ni-táŕjí kété.

KƏLA RĀĀ 22:14

Ni-əda ɓáý to̰ na: Nə́ɓā yā kaají gə̄ gə̄rā əndāī dɔ jīn kadə̄ ī-ger̄ yá̰á̰ ń kemən ndigə ní ō, kadə̄ á̰a̰ nge kə́ kal kógə̄ḿ beē ń ni i de kə́ sew ní ō, kadə̄ ōō najə̄ kə́ tan tə́ ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

PĀ GƏ̄ 71:18

Ngɔlaā ń dɔḿ ndaa toō ní, Nə́ɓā, ī-lōō kəya̰m̄ kɔ̄ɔ́. Loo ń noō tə́ m-ā m-ásə kɔjə balsáa gə̄ ō, ngé gə̄ ń a utə̄n̄ gōdə́ ní ō, kəla rāāí gə̄ ō tɔ́gí ō.

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

Gōsə̄ najə̄ gə̄ 11:30

Kəla rāā de kə́ súmūú a rāā kadə̄ deē ndi kə kumneé ō, hángal de gə̄ dəba ra dɔ najə̄ kɔr̄ de kə́ nge kum kedə̄ tə́ ō.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

1 PIYER 3:2

Tɔdɔ̄ a̰a̰n̄ kadə̄ háĺsí i háĺ kə́ kanjə̄ najə̄ dɔ tə́ ō, a̰a̰n̄ kadə̄ ī-ɓōlíī ndíĺdə́ ō.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

MATIYE 21:22

Yá̰a̰ malang ń ī-dəjeī kə ndɔ̄yɔ̄ɔ́ ní, ré ī-taāī kem anī ā ə́ngeī.

PĀ GƏ̄ 145:4

De gə̄ a ənīn̄ ngáńdə́ gə̄ gotə yá̰a̰ gə̄ ń ī-rāā ní kə dɔ ɓāl̄ gə̄ kə dɔ ɓāl̄ gə̄. A tə́dan̄ yá̰a̰ rāāí kə́ to kɔsə gɔn gə̄.

2 TIMOTE 1:11

Nə́ɓā əndā kəla kɔjə Najə̄ kə́ Majə ngeé ń toō dɔḿ tə́, adə̄ mā i ngōmbang kəla ō, nge ndóō de gə̄ yá̰a̰ ō.

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

Makətūbə̄ ń Pol ndang adə̄ Rom gə̄ ní 9:21

Nánjə̄ ń kɔdə jóó ló̰ȳ ní, asə rāań yá̰á̰ ń kemən ndigə ní aĺ a? Ré gḛy kəɓāń i jóó kə́ to rɔȳ anī, a əɓāń ō, i jóó kə́ karī anī a əɓāń ō aĺ a?

JAKƏ 3:18

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

TITƏ 1:5

M-ə́ya̰ī gō nang kə́ Kəretə tə́ i yā kadə̄ ə̄ndā dɔ yá̰a̰ gə̄ ń na̰yn̄ ɓáý ní danaá kə gōó ō, kadə̄ ə̄ndā kum kɔɔ̄ gə̄ kə dɔ ɓē gə̄ kógə̄ḿ kógə̄ḿ tītə̄ ń m-ə́daīń ní ō.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 10:41

I ngán Israel gə̄ malang n kadə̄ a̰a̰nən̄ ní alé, ba i jḭḭ ń Nə́ɓā gə̄rājí kété kadə̄ jḭḭ i de kə́ kum tə́ yān gə̄ ní, adə̄ i jḭḭ ń j-əsa seneé ō, j-a̰ȳ seneé ō gō ndóĺ ń ni-ndól dan de kə́ koy gə̄ tə́ ní.

1 TIMOTE 2:7

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

TA KƏLA 18:18

Ni a tél kaa gíŕ nápar de kə́ ngá̰ý gə̄ kə́ tɔ́gə́də́ i ngá̰ý. M-ā m̄-rāā majə kə nápar de gə̄ malang kə́ dɔ nang tə́ gə̄ sɔɔ̄nəń ni.

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

MATIYE 7:7

Ī-dəjeī anī a adə̄n̄sí, ī-sāāī anī ā ə́ngeī, ī-gógī ta róbə anī a teēn̄ yā kadə̄sí.

JA̰A̰ 15:5

Mā i kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.