JA̰A̰ 15:15 - Bibəl ta Sar̄

¹⁵ m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

Bible sar

¹⁵ m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

JA̰A̰ 15:15 Referans Kwoze

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

MATIYE 13:11

Ni-tél ədadə́ na: I tām̄ rāā kə́ Nə́ɓā rāā adə̄ sḭḭ̄ ī-gerī yá̰á̰ kə́ loo mundə̄ tə́ gə̄ kə́ dɔ Ɓē ko̰o̰ kə́ dɔ rā̰ tə́ ba ɔgə̄ ngé gə̄ ń noō ger̄.

JAKƏ 2:23

kadə̄ najə̄ ń ndangən̄ na Abəraham taā kem Nə́ɓā, ba Nə́ɓā na ɓārə́n na i de kə́ gōtə́ kə gō taā kem yānneé, adə̄ na ɓārə́n na i madə̄ tan ní udə gírí majə ō.

KOLOSƏ 1:26

Yá̰a̰ kə́ to loo mundə̄ tə́ gə̄ ń Nə́ɓā ngɔ̄m̄də́ loo mundə̄ tə́ kə dɔ ɓāl̄ gə̄ ɓāl̄ gə̄ ní, ngɔlaā ni-rāā adə̄ kum ngé yān gə̄ teē dɔ tə́.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

JA̰A̰ 8:26

Mā i kə yá̰á̰ ngá̰ý yā kəda dɔsí tə́ ō, yā gāngəń sarya dɔsí tə́ ō. Banī nge ń əlam̄ ní, najə̄ yān i najə̄ kə́ rɔ̄kum. Adə̄ yá̰á̰ ń m-ōō tan tə́ ní, m-ā m-ə́da de kə́ dɔ nang tə́ gə̄.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

PILEMO̰ 1:16

i kə́ ɓəlo tə́ to̰ alé, banī ni-mān̄ ɓəlo, adə̄ ni i ngōkó̰ó̰í kə́ kó tár yāí. Mə̄kɔ́ m̄-tárən ngá̰ý, ba ḭ̄ ā ī-tárən ngá̰ý aĺ naā, kə́ gō yā dā̰ rɔ̄ tə́ ō, tām̄ yā Kɔ́ɔ̄ɓē tə́ ō.

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

JA̰A̰ 13:16

Ādə̄ m-ə́dásí najə̄ kə́ bo ngá̰ý, nge kəla bo tɔȳ kɔ́ɔ̄n aĺ ō, ngōmbang kəla bo tɔȳ deē ń əlan ní aĺ ō.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

JA̰A̰ 4:19

Dəyá̰ ədan na: Kɔ́ɔ̄ɓē, m-á̰a̰ kadə̄ ḭ̄ i nge koō ta kógə̄ḿ.

Najə̄ kə́ Majə yā Jeju ń Luk ndang ní 10:23

Gō tə́ anī Jeju tūr̄ rɔ̄n kə̄ rɔ̄ ngé ndóō yá̰a̰ yān gə̄ tə́ ba ədadə́ kə́ kéŕdə́ na: Yāsí i rɔ̄nel̄ tām̄ yá̰á̰ ń toō ń á̰a̰ī ní tə́!

Gōsə̄ najə̄ gə̄ 18:24

Deē ń madə̄ tan gə̄ i ngá̰ý ní, a nujənən̄, banī madə̄ ta de kə́ rāā tɔdɔ̄n tɔȳ ngōkó̰o̰n i noó.

JA̰A̰ 16:12

M-āw̄ kə yá̰a̰ gə̄ ngá̰ý kadə̄ m-ə́dásí ɓáý, ba sḭḭ̄ ásiī ger̄ kum ngɔr ń toō tə́ alé.

Makətūbə̄ ń Pol ndang adə̄ Rom gə̄ ní 7:15

Adə̄ yá̰á̰ ń m̄-rāā ní, m̄-ger̄ kum alé, tɔdɔ̄ yá̰á̰ ń m̄-gḛy rāā ní m̄-rāā alé, banī yá̰á̰ ń m̄-gḛy rāā aĺ ngá̰ý ní tá m̄-rāā.

1 KORḚNTƏ 2:16

Tām̄ i kə́ ndang kem makətūbə̄ yā Nə́ɓā tə́ na: I náā n ger̄ gír̄ yā Kɔ́ɔ̄ɓē ní? I náā n i nge kadə̄n kɔjə ní? Banī jḭḭ̄ j-awī kə gír̄ yā Kərist kemjí tə́.