JA̰A̰ 15:11 - Bibəl ta Sar̄

¹¹ M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.

Bible sar

¹¹ M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.

JA̰A̰ 15:11 Referans Kwoze

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

JA̰A̰ 17:13

Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

1 JA̰A̰ 1:4

Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

2 JA̰A̰ 1:12

Yá̰a̰ gə̄ i ngá̰ý kadə̄ m̄-ndang najə̄ kə́ dɔ tə́ m-ādə̄sí. Mā m̄-gḛy ndang kem makətūbūú ō, kə man̄ ndang makətūbə̄ ō alé. Ba m-ə̄ndā kemḿ dɔ kaw̄ loosí tə́, kadə̄ m-āw̄ m-ɔ̄r̄ najə̄ ní sesí kə taḿ, tá yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá mámák.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

1 TESALONIK 5:16

Ī-ndiī kə rɔ̄nelēé kə ndɔ̄ gə̄.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

Najə̄ kə́ Majə yā Jeju ń Luk ndang ní 15:9

Ba dan ń ənge anī, a ɔsə dɔ madə̄n gə̄ ō, madə̄ ɓēn kə́ dəyá̰ gə̄ ō naā tə́, ba a ədadə́ na: Ī-rāāī rɔ̄nel̄ seḿ tɔdɔ̄ m-ə́ngé njáŕ sə́lē arjā̰a̰ yāḿ kə́ kógə̄ḿ ń m̄-tḭ̄ ta ní kɔ̄ɔ́.

PILIPƏ 1:25

Adə̄ m̄-ger̄ kemḿ tə́ majə kadə̄ m-ā m̄-ndi kə kumḿ. M-ā m̄-ndi sesí sḭḭ̄ malang yā rāań sesí kadə̄ āwī kum kə̄ kété kété ō, kadə̄ rɔ̄sí nelə̄ńsí loo taā kem tə́ ō.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

Najə̄ kə́ Majə yā Jeju ń Luk ndang ní 15:5

Dan ń ni-aw̄ ba əngen ní anī, a unən kə rɔ̄nelēé yā kəgan dɔ bɔ̄gə̄n tə́.

Najə̄ kə́ Majə yā Jeju ń Luk ndang ní 15:23

Ī-reēī kə duĺ man̄g kə́ bo majə, ī-tɔ̄lī ādə̄ j-əsaī, ba jə-rāāī rɔ̄nel̄ ō,

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.