JA̰A̰ 15:1 - Bibəl ta Sar̄

¹ Mā i kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

Bible sar

¹ Mā i *kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

JA̰A̰ 15:1 Referans Kwoze

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

1 KORḚNTƏ 3:9

Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

JA̰A̰ 6:55

Tɔdɔ̄ dā̰ḿ i yá̰a̰ kəsa kə́ rɔ̄kum ō, mósə́ḿ i yá̰a̰ ka̰ȳ kə́ rɔ̄kum ō.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

1 JA̰A̰ 2:8

Ɓá tā ba i gō míndə́ kə́ kijə n m̄-ndang m-ādə̄sí ní, tām̄ loo kə́ risə til nding a mān̄ i mbée, ba loo kə́ unjə̄ kow kə́ rɔ̄kum to kɔ̄ɔ́ ɓá. Rɔ̄kum yān ɔjə rɔ̄n kə̄ ndágá i kem Kərist tə́ ō, kemsí sḭḭ̄ tə́ ō.

MARK 12:1

Gō tə́ anī Jeju ɔr̄ najə̄ sedə́ kə kūjə́ najá əda na: Deē kógə̄ḿ əndā kāgə̄ nduú gə̄ kem ndɔr̄ yān tə́ ba əndā ndogə̄ mbal̄ gīrəń gidə ō, ndēr̄ bəlo kadə̄ mbə́reń kan̄ kāgə̄ nduú ō, rāā kújə ngɔm̄ kə́ ngāl̄ ɓururu kum kə̄ dɔɔ́ ta ndɔr̄ ní tə́ ō, əndā ngé ndɔr̄ gə̄ ta tə́ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

MATIYE 21:33

Ōōī kūjə́ najə̄ kə́ rang ɓáý to̰. Kɔ́ɔ̄ loo kógə̄ḿ ndɔr̄ kāgə̄ nduú ba əndā ndogə̄ mbal̄ gīrəń gidə ō, ndēr̄ bəlo kə́ yā mbə́reń kan̄ kāgə̄ nduú kemeé ō, rāā kújə ngɔm̄ kə́ ngāl̄ ɓururu kum kə̄ dɔɔ́ kemeé ō, ba adə̄ ngé ndɔr̄ kāgə̄ nduú gə̄ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

JA̰A̰ 6:32

Ādə̄ m-ə́dásí najə̄ kə́ bo ngá̰ý, i Moijə n adə̄sí mápá kə́ ḭḭ dɔ rā̰ tə́ ní alé, banī i Bɔbə́ḿ n adə̄sí mápá kə́ ḭḭ dɔ rā̰ tə́ kə́ rɔ̄kum ní.

Najə̄ kə́ Majə yā Jeju ń Luk ndang ní 13:6

Anī ni-ədadə́ kūjə́ najə̄ ń toō ɓáý to̰ na: Dəngam kógə̄ḿ əndā kāgə̄ kótə̄ kem ndɔr̄ kāgə̄ nduú yān tə́. Ni-reē sāā kanə̄n tə́ ba ənge kógə̄ḿ gə̄gē alé.

MATIYE 20:1

Tɔdɔ̄ Ɓē ko̰o̰ kə́ dɔ rā̰ tə́ to i tītə̄ de kə́ kə ta kújəneé kə́ teē dəloí ɓatə ɔy de gə̄ kadə̄ aw̄ rāān̄ kəla kem ndɔr̄ kāgə̄ nduú yān tə́ beé.

PĀ KƏ́ MAJƏ 7:12

Kó tár yāḿ, ī-reē, j-aw̄ njə̄rāá bembeé, j-aw̄ jə-ɓīī ngōn̄ ɓēé.

JAKARI 3:8

Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

JA̰A̰ 1:9

Najə̄ ní i loo kə́ unjə̄ kow kə́ rɔ̄kum. Ni-reē dɔ nang tə́ adə̄ unjə̄ dɔ de gə̄ tə́ malang.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

EJEKIEL 19:10

Kó̰ó̰sí to i tītə̄ kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.

MATIYE 15:13

Anī ni-tél ədadə́ na: Kāgə̄ malang ń Bɔbə́ḿ kə dɔ rā̰ tə́ əndā aĺ ní, a ró̰ȳn̄də́ kɔ̄kə́.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.