JA̰A̰ 14:6 - Bibəl ta Sar̄

⁶ Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

Bible sar

⁶ Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 14:6 Referans Kwoze

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

JA̰A̰ 1:4

Ndi kə kumuú i tū Najə̄ tə́, ba ndi kə kumuú ní i loo kə́ unjə̄ kow yā de gə̄.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

JA̰A̰ 8:32

Ā ī-gerī najə̄ kə́ rɔ̄kum ō, najə̄ kə́ rɔ̄kum a rāāsí kadə̄ sḭḭ̄ i de kə́ kɔ́ɔ̄ rɔ̄də́ gə̄ ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

2 JA̰A̰ 1:9

Náā nəkɔ́ ń ra dɔ yá̰á̰ ndóō yā Kərist tə́ alé banī mān̄ dɔ tə́ kum kə̄ kété ní, Nə́ɓā i seneé alé. Deē ń ra dɔ yá̰á̰ ndóō yā Kərist tə́ ní, Bɔbə̄ Ngōn̄ i seneé ō, Ngōn̄ nəkɔ́ i seneé ō.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JA̰A̰ 15:1

Mā i kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

JA̰A̰ 8:51

Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

1 JA̰A̰ 2:23

Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JA̰A̰ 6:33

Tɔdɔ̄ mápa yā Nə́ɓā i nge ń ḭḭ dɔ rā̰ tə́ reē dɔ nang tə́, ba rāā adə̄ de kə́ dɔ nang tə́ gə̄ ndin̄ kə kumdə́ ní.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

JA̰A̰ 6:57

Ba tītə̄ ń Bɔbə́ḿ ń əlam̄ ní ndi kə kumneé ō, mā m̄-ndi kə kumḿ i kə ta kūl̄ Bɔbə́ḿ ō ní, deē ń əsam̄ ní a ndi kə kumneé kə kūlə̄ḿ mā ō.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

Makətūbə̄ ń Pol ndang adə̄ Rom gə̄ ní 5:2

I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

1 KORḚNTƏ 15:45

I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.

1 JA̰A̰ 1:8

Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.

JA̰A̰ 6:68

Simo̰ Piyer tél ədan na: Kɔ́ɔ̄ɓē, j-aw̄ i kə̄ rɔ̄ náā tə́? Ḭ̄ āw̄ kə najə̄ gə̄ kə́ dɔ ndi kə kumuú kə́ ngándáńg tə́.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

KOLOSƏ 2:9

Tɔdɔ̄ Nə́ɓā ndi kem Kərist tə́ kə taá malang, ni-un rɔ̄ Kərist.

1 JA̰A̰ 5:6

I Jeju Kərist n reē kə ta kūl̄ man̄ ō, mósə ō ní. Reē i kə ta kūl̄ man̄ ngóy alé, banī i kə ta kūl̄ man̄ ō mósə ō. Tá i Ndíĺ kə́ Táĺ n i nge kəda najə̄ kə́ kum tə́ dɔn tə́ ní, tɔdɔ̄ Ndíĺ kə́ Táĺ i najə̄ kə́ rɔ̄kum.

JEJU TEĒ KUM JA̰A̰ 3:14

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Laodise: Najə̄ ń deē ń i Amen ō, ni i de kə́ kum tə́ kə́ nge ra dɔ ndūn tə́ ō, ni i de kə́ rɔ̄kum ō, Nə́ɓā əndā yá̰a̰ malang i kə ta kūl̄neé ō əda ní n toó:

KOLOSƏ 2:17

Yá̰a̰ gə̄ ń noō malang i ndíĺ yá̰á̰ ń kadə̄ a reē ɓáý ní, ba ngarān̄g kum yá̰á̰ i Kərist.

JEJU TEĒ KUM JA̰A̰ 3:7

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Piladelpi: Najə̄ ń de kə́ táĺ, kə́ rɔ̄kum ń lakélé yā Dabid i jīn tə́ adə̄ teē ta róbə anī de kə́ yā kutə̄ a gətóo ō, utə̄ anī de kə́ yā teē a gətóo ō əda ní n toó:

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

HEBƏRO 9:8

I tītə̄ ń toō n Ndíĺ kə́ Táĺ ɔjəjí kadə̄ dan ń kújə́ kə́ kété to ɓáý ní, róbə́ kə́ loo kə́ táĺ ngá̰ý ta teē aĺ ɓáý.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

KƏLA RĀĀ 9:2

Ni-aw̄ ənge ngol ngé tun̄ yá̰a̰ gə̄ ba dəjen makətūbə̄ kə rī kújə́ kán̄ naā gə̄ kə́ Damas, yā kadə̄ ré n-ənge dəngam gə̄, aláa dəyá̰ gə̄, kə́ a unən̄ gō róbə yā Kɔ́ɔ̄ɓē anī, kə n-tó̰ō̰də́ kə kəlaá kə n-reē sedə́ Jerusalem.