JA̰A̰ 14:4 - Bibəl ta Sar̄

⁴ Ba sḭḭ̄ ī-gerī róbə́ ń ā aw̄ kə̄ loo ń m-ā m-āw̄ kə̄ tū tə́ ní.

Bible sar

⁴ Ba sḭḭ̄ ī-gerī róbə́ ń ā aw̄ kə̄ loo ń m-ā m-āw̄ kə̄ tū tə́ ní.

JA̰A̰ 14:4 Referans Kwoze

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 14:2

Loo ndi i ngá̰ý kem ɓē yā Bɔbə́ḿ tə́. Nə́ngētə́ i beé aĺ anī, m-ə́dásí kɔ̄ɔ́. M-ā m-āw̄ yā rāā loo tām̄ yāsí tə́.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JA̰A̰ 14:28

Sḭḭ̄ ōōī najə̄ ń m-ə́dásí ní. M-ə́da na: M-ā m-āw̄, ba m-ā m̄-tél yā reē rɔ̄sí tə́. Ré ī-tármī anī, rɔ̄sí a nel̄sí tām̄ kaw̄ḿ kə̄ rɔ̄ Bɔbə́ḿ tə́, tɔdɔ̄ Bɔbə́ḿ i kə́ bo tɔȳm̄.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

JA̰A̰ 14:3

Loo ń ré m-āw̄ m̄-rāā loo tām̄ yāsí tə́ oy anī, m-ā m̄-tél yā kɔysí kə̄ rɔ̄ḿ tə́, yā kadə̄ loo ń mā i tū tə́ ní, sḭḭ̄ i tū tə́ ō.

JA̰A̰ 14:5

Toma ədan na: Kɔ́ɔ̄ɓē, jə-ger̄ loo ń ā āw̄ kə̄ tū tə́ ní, alé ní loo kadə̄ jə-ger̄ róbən i ba̰ý?