JA̰A̰ 14:23 - Bibəl ta Sar̄

²³ Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

Bible sar

²³ Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 14:23 Referans Kwoze

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

1 JA̰A̰ 2:24

Najə̄ ń ōōī ta kəla gíŕ tə́ ní, ādī i kemsí tə́. Ré yá̰á̰ ń ōōī ta kəla gíŕ tə́ ní i kemsí tə́ anī, sḭḭ̄ ī-ndiī i kem Ngōn̄ tə́ ō, Bɔbə̄n tə́ ō.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

JA̰A̰ 6:56

Deē ń əsa dā̰ḿ ō, a̰ȳ mósə́ḿ ō ní, ni-ndi kemḿ tə́ ō, mā m̄-ndi kemən tə́ ō.

JA̰A̰ 14:17

De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.

TA KƏLA 1:26

Ta tɔ̄l̄ ta anī Nə́ɓā əda na: Jə-rāāī de gə̄ kə́ teēn̄jí, kə́ ton̄ tītə̄jí, ādə̄ ndin̄ dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ kə́ ɓēé gə̄ tə́ ō, dɔ dā̰ kə́ bembeé gə̄ tə́ ō, dɔ ngán dā̰ kə́ kagə nang tə́ gə̄ tə́ ō.

JEJU TEĒ KUM JA̰A̰ 21:22

M-á̰á̰ kújə yā Kɔ́ɔ̄ɓē kem ɓē ní tə́ alé. Tɔdɔ̄ kújə yā Kɔ́ɔ̄ɓē kə́ kem ɓē ní tə́ i Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ō, i Ngōn̄ Batə̄ ō.

TA KƏLA 11:7

Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

JEJU TEĒ KUM JA̰A̰ 22:3

Ndɔ̄ĺ a gətóo. Ba kōr̄ kāgə̄ mbang yā Nə́ɓā ō, yā Ngōn̄ Batə̄ ō, a ndi kem ɓē ní tə́ ō, ngé kəla gə̄ yā Nə́ɓā a rāān̄ kəla yā kadə̄ Nə́ɓā ō.

PĀ GƏ̄ 90:1

Ndɔ̄ȳ yā Moijə, deē yā Nə́ɓā. Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yājí kə dɔ ɓāl̄ gə̄ kə dɔ ɓāl̄ gə̄ ní.

JA̰A̰ 8:51

Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

JA̰A̰ 14:24

Deē ń tárəm̄ aĺ ní, a rāā yá̰a̰ gə̄ ń m-ə́dá ní alé. Ba najə̄ ń m-ə́dásí ní i najə̄ yāḿ mā alé, i najə̄ yā Bɔbə̄ Ngōn̄ ń əlam̄ ní.

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

EPEJƏ 3:17

Ba kadə̄ Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

1 JA̰A̰ 2:5

Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

1 JA̰A̰ 5:3

Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

2 JA̰A̰ 1:6

Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.