Biblia Todo Logo
Bib sou entènèt

- Piblisite -




JA̰A̰ 14:21 - Bibəl ta Sar̄

21 Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Gade chapit la Kopi

Bible sar

21 Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Gade chapit la Kopi




JA̰A̰ 14:21
43 Referans Kwoze  

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,


Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.


Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.


Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.


Ré yá̰a̰ gə̄ ń ɓōólaā m-ə̄ndā dɔsí tə́ kadə̄ ī-rāāī ní ī-rāāīdə́ rɔ̄kum, adə̄ ī-táriī Kɔ́ɔ̄ɓē Nə́ɓā yāsí ō, ī-rāāī kəla ādə̄niī kə ngarā̰ kemsí gēé malang ō, kə rɔ̄sí malang ō anī,


tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.


Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!


Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.


Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.


Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.


Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.


Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.


Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.


Ngé gə̄ ń ndigən̄ kadə̄ gāngə̄n̄ sarya yāḿ kə gōó ní, a əgan̄ kɔr̄ rɔ̄nel̄. Nin̄ a ədan̄, ba tél a ədan̄ ɓáý to̰ na: Kɔ́ɔ̄ɓē tetə rɔ̄ɔ̄, ni ndigə kadə̄ nge kəla yān ndi majə.


Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.


Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé


Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,


Ndɔ̄ gə̄ ń a reēn̄ noó tə́ ní, m-ā m-ə́hɔ madə̄ naā kə́ kijə kə de kə́ gír yā Israel tə́ gə̄ ō, kə kə́ gír yā Juda tə́ gə̄ ō.


Ni a ɔsə gɔnəḿ, tɔdɔ̄ a taā dām̄ yá̰a̰ yāḿ yā kədasí.


M-ā m-ə́yá̰sí hal alé, m-ā m̄-tél yā reē rɔ̄sí tə́.


Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.


Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.


Anī m-á̰á̰ Kɔ́ɔ̄ɓē loo kɔr̄ najə̄ tə́ seḿ, ni-ədam̄ na kə m̄-lōō kɔr̄ bā̰ā̰ ba kə m̄-teē kɔ̄ɔ́ láẃ kem ɓē kə́ Jerusalem tə́, tɔdɔ̄ de kə́ kemeé gə̄ na a ndigən̄ najə̄ ń m-ā m-ə́da dɔn tə́ ní alé.


m̄-dəje Kɔ́ɔ̄ɓē nja mətá kadə̄ ɔrə̄m̄ kɔ̄ɔ́ kum tápə̄ ní tə́.


Moijə əda Kɔ́ɔ̄ɓē na kə ɔjən kɔsə gɔn yān kadə̄ kə n-a̰a̰.


A táŕsí ō, a rāā majə sesí ō. A adə̄sí ngán gə̄ ngá̰ý ō, kōō gémē ō, kasə nduú ō, yibə̄ ō. Loo ń ā ī-ndiī dɔ nang ń ənī míndən adə̄ kaasí gə̄ yā kadə̄sí tə́ ní anī, a rāā kadə̄ man̄g yāsí gə̄ kə batə̄ yāsí gə̄ ojən̄ naā ngá̰ý ō.


Mā m̄-táŕ ngé tárəm̄ gə̄ ō, ngé sāām̄ gə̄ a əngemə̄n̄ ō.


Ni-əhɔ gō Kɔ́ɔ̄ɓē kanjə̄ kəya̰ gōn. Ni ngɔ̄m̄ gō míndə gə̄ ń Kɔ́ɔ̄ɓē adə̄ Moijə ní.


Swiv nou:

Piblisite


Piblisite