JA̰A̰ 14:13 - Bibəl ta Sar̄

¹³ Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

Bible sar

¹³ Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

JA̰A̰ 14:13 Referans Kwoze

JA̰A̰ 15:7

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

MARK 11:24

I tām̄ ń toō tə́ n m-ə́dásí na yá̰a̰ malang ń ī-dəjeī kə ndɔ̄yɔ̄ɔ́ ní, ī-taāī kem kadə̄ ə́ngeī yá̰á̰ ní kɔ̄ɔ́ anī a reē tām̄ yāsí tə́.

MATIYE 21:22

Yá̰a̰ malang ń ī-dəjeī kə ndɔ̄yɔ̄ɔ́ ní, ré ī-taāī kem anī ā ə́ngeī.

MATIYE 7:7

Ī-dəjeī anī a adə̄n̄sí, ī-sāāī anī ā ə́ngeī, ī-gógī ta róbə anī a teēn̄ yā kadə̄sí.

1 JA̰A̰ 5:14

Jə-ndiī kanjə̄ sōl̄ yá̰á̰ kógə̄ḿ ta kum Nə́ɓā tə́. Tɔdɔ̄ ré jə-dəjeniī yá̰á̰ kə́rēý kə gō kem ndigə yānneé anī, ni-oōjí.

JA̰A̰ 16:23

Ndɔ̄ ń noō tə́ ní ā ī-dəjemī kum yá̰á̰ kógə̄ḿ to̰ alé. Ādə̄ m-ə́dásí najə̄ kə́ bo ngá̰ý, ré ī-dəjeī Bɔbə́ḿ yá̰á̰ kógə̄ḿ kə rīḿ anī, ni a adə̄sí.

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

JA̰A̰ 14:14

Ré ī-dəjemī yá̰á̰ kə́rēý kə rīḿ anī, m-ā m̄-rāā.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

EPEJƏ 3:12

Kə ta kūl̄ ɓoojí naā kə Kərist ō, taā kə́ jə-taāī kemən ō ní, j-əngeī ta róbə kənī kemjí kaw̄ń rɔ̄ Nə́ɓā tə́.

JA̰A̰ 16:26

Ndɔ̄ ngé ń noō tə́ ní, ā ī-dəjeī Bɔbə́ḿ yá̰a̰ kə rīḿ. Ba m-ə́dásí na m-ā m̄-ndɔ̄ȳn tām̄ yāsí tə́ alé,

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 12:44

Banī Jeju əga kɔŕ əda na: Deē ń taā kemḿ anī, taā i kemḿ mā alé, banī taā i kem nge ń əlam̄ ní.

Najə̄ kə́ Majə yā Jeju ń Luk ndang ní 11:9

Banī mā m-ə́dásí na: Ī-dəjeī anī a adə̄n̄sí ō, ī-sāāī anī ā ə́ngeī ō, ə́ndaī ta róbə anī a teēn̄ yā kadə̄sí ō.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

JA̰A̰ 5:19

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, Ngōn̄ asə rāā yá̰á̰ kógə̄ḿ kə deē dɔneé alé. Ni a rāā i yá̰á̰ ń a̰a̰ Bɔbə̄n loo rāā tə́ ní ngóy. Tām̄ yá̰a̰ malang ń Bɔbə̄ Ngōn̄ rāā ní, Ngōn̄ a rāā i mbée ō.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

EPEJƏ 3:14

I tām̄ najə̄ ń toō tə́ n m-ɔ́sə kejəḿ nang tə́ kə̄ no Nə́ɓā ń

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

JA̰A̰ 13:31

Dan ń Judas teē ndágá kɔ̄ɔ́ anī, Jeju əda na: Ngɔlaā ń toō ɔsən̄ gɔn Ngōn̄ Deē ō, Ngōn̄ Deē ɔsə gɔn Nə́ɓā ō.

1 KORḚNTƏ 14:13

I tām̄ najə̄ ń noō tə́ n majə kadə̄ nge kɔr̄ najə̄ kə ta kə́ tayā dəje Nə́ɓā kadə̄ adə̄n tɔ́gə kəda kum najə̄ kɔrə̄n gə̄ ní.