JA̰A̰ 14:12 - Bibəl ta Sar̄

¹² Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

Bible sar

¹² Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

JA̰A̰ 14:12 Referans Kwoze

MATIYE 21:21

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, ré ī-taāī kem ba kemsí tɔ́sə̄sí dɔ tə́ aĺ anī, i yá̰á̰ ń m̄-rāā kə kāgə̄ kótōó toō ngóy n ā ī-rāāī ní alé. Mbal̄ ń ra toó gə̄gē, ré ə́daniī na kə ɔtə kɔ̄ɔ́ loo ń toō tə́, ba kə aw̄ kə əsō kum bā bo tə́ anī, a ɔtə yā kaw̄ kəsō kum bā bo tə́.

MARK 16:17

Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

KƏLA RĀĀ 16:18

Ni-rāā yá̰á̰ ní ndɔ̄ ngá̰ý. Ta tɔ̄l̄ ta anī wōn̄g rāā Pol ngá̰ý, adə̄ ni-tūr̄ rɔ̄n ba əda ndíĺ ní kə tɔ́gɔ́ na: Ī-teē kem dəyá̰ ń toō tə́ kɔ̄ɔ́ kə rī Jeju Kərist! Anī ndíĺ ní teē kɔ̄ɔ́ kem dəyá̰ ní tə́ kə̄ ta jī tə́ noō.

KƏLA RĀĀ 9:34

Piyer ədan na: Ene, Jeju Kərist rāā adə̄ rɔ̄í ngáā kɔ̄ɔ́! Ḭ́ḭ dɔɔ́ ba ī-rāā tə̄rā toí ādə̄ majə! Anī Ene ḭḭ dɔɔ́ kə̄ ta jī tə́ beē.

KƏLA RĀĀ 19:12

Adə̄ de gə̄ unən̄ ta kūbə̄ kɔl̄ rɔ̄ yān, aláa kūbə̄ yān kə́ rang aw̄ ɔdən̄neé rɔ̄ ngé mo̰y gə̄ anī mo̰y əya̰də́ ō, ndíĺ kə́ majaĺ gə̄ teēn̄ kemdə́ tə́ kɔ̄ɔ́ ō.

KƏLA RĀĀ 9:40

Piyer əda adə̄ de gə̄ teēn̄ ndágá malang, ba ɔsə kejən nang tə́ ndɔ̄ȳ. Gō tə́ anī ni-tūr̄ rɔ̄n kə̄ rɔ̄ nīń tə́ ba əda na: Tabita ḭ́ḭ dɔɔ́! Anī Tabita teē kumən, ba dan ń a̰a̰ Piyer anī ḭḭ ndi dɔɔ́.

KƏLA RĀĀ 8:7

Ndíĺ kə́ yḛr gə̄ ngá̰ý teēn̄ kɔ̄ɔ́ kə kɔŕ kə́ ngá̰ý kem de gə̄ ń nin̄ i kemdə́ tə́ ní ō, rɔ̄ ngé lígə̄rī gə̄ kə ngé tə́sō motə gə̄ ngá̰ý tél ngan̄g májə́ májə́ gogə́ ō.

KƏLA RĀĀ 5:15

De gə̄ reēn̄ kə ngé mo̰y gēé ɓōkə́n̄də́ kum róbə kɔsə gə̄ tə́. Tə́nīn̄də́ i kem tə̄rá gə̄ tə́ ō, kem waá gə̄ tə́ ō, kadə̄ ré Piyer kə mān̄ anī, kadə̄ ndílən ngóy aw̄ dɔ nge kə́ kógə̄ḿ tə́ dandə́ tə́.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

KƏLA RĀĀ 4:4

Dan de gə̄ ń oōn̄ najə̄ kɔr̄ Piyer tə́ ní, ngá̰ý gə̄ taān̄ kem najə̄ ní. De gə̄ ń taān̄ kem ní kutədə́ asə dūbú mí ń noō.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

JA̰A̰ 7:33

Anī Jeju əda na: M-ā m̄-ndi sesí sḛ́ý ɓáý tá m-ā m-āw̄ rɔ̄ nge ń əlam̄ tə́ ní.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 4:16

Ədan̄ naā na: J-a jə-rāāī i ba̰ý kə de gə̄ ń toō? De kə́ Jerusalem gə̄ malang gerə̄n̄ kadə̄ nin̄-rāān̄ yá̰á̰ kə́ yáā kə́ bo, adə̄ nge ń noō i yá̰á̰ kə́ jḭḭ̄ j-a j-asiī nējə̄ aĺ ɓáa n toó.

JA̰A̰ 14:28

Sḭḭ̄ ōōī najə̄ ń m-ə́dásí ní. M-ə́da na: M-ā m-āw̄, ba m-ā m̄-tél yā reē rɔ̄sí tə́. Ré ī-tármī anī, rɔ̄sí a nel̄sí tām̄ kaw̄ḿ kə̄ rɔ̄ Bɔbə́ḿ tə́, tɔdɔ̄ Bɔbə́ḿ i kə́ bo tɔȳm̄.

KƏLA RĀĀ 10:46

Tɔdɔ̄ nin̄-oōn̄ ndūdə́ loo kɔr̄ najə̄ tə́ kə ta kə́ tayā gə̄ ō, loo kɔsə gɔn bo Nə́ɓā tə́ ō. Anī Piyer əda na:

KƏLA RĀĀ 4:33

Ngámbang kəla gə̄ ɔrə̄n̄ najə̄ loo de kə́ kum yá̰á̰ tə́ gə̄ tə́ dɔ koy tá ndól̄ yā Kɔ́ɔ̄ɓē Jeju tə́ i kə tɔ́gə́ kə́ ngá̰ý ō, nin̄ malang ní Nə́ɓā rāā majə sedə́ ngá̰ý ō.

MARK 11:13

Ni-a̰a̰ kāgə̄ kótə̄ kə́ kə mbīn gēé kə̄ sa̰y anī, aw̄ yā ka̰ā̰ ké n-ənge kanən kə́rēý tū tə́ wa. Banī loo ń ni-ugə rɔ̄ tə́ anī, ənge i mbīn gə̄ ngóy, tɔdɔ̄ i nāā kan̄ kótə̄ aĺ ɓáý.

JA̰A̰ 4:37

Najə̄ ń gōsə̄ najə̄ əda ní i rɔ̄kum, əda na: De kə́rēý i nge dubə̄ kōō, banī i de kə́ rang n i nge sāā kōō ní.

JA̰A̰ 5:20

Tɔdɔ̄ Bɔbə̄ Ngōn̄ tár Ngōn̄ ō, ɔjən yá̰a̰ malang ń ni-rāā ní ō. Ba ni a ɔjən kəla kə́ bo gə̄ tɔȳ ngé gə̄ ń toō yā kadə̄ a ɔr kumsí ɓáý.