JA̰A̰ 13:18 - Bibəl ta Sar̄

¹⁸ M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Bible sar

¹⁸ M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

JA̰A̰ 13:18 Referans Kwoze

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

MATIYE 26:23

Ni-tél ədadə́ na: I nge ń əla jīn gōḿ tə́ kārāá ní n a əlam̄ jī de gə̄ tə́ ní.

JA̰A̰ 17:12

Dan ń mā i sedə́ ní, m̄-ngɔ̄m̄də́ kə ta kūl̄ rīí, rīí ń ādə̄m̄ ní. m̄-ngɔ̄m̄də́ ō, ta deē kógə̄ḿ kə́ dandə́ tə́ tḭ̄ḭ̄ aĺ ō, ba i nge ń i gáŕ kadə̄ tan tḭ̄ḭ̄ ní tá ngóy, yā kadə̄ najə̄ kə́ ndang kem makətūbūú reē udəń gírí.

MARK 14:20

Ni ədadə́ na: I kə́ kógə̄ḿ dan kə́ kutə gidə i jōó gə̄ tə́, i nge ń əla jīn kārāá seḿ ní.

JA̰A̰ 13:26

Jeju tél əda na: I deē ń m-ā m-ə́lá gájə́ mápa kum tá̰á̰ tə́ yā kadə̄n ní. Loo ń noō tə́ ni-əla gájə́ mápa kum tá̰á̰ tə́, ba adə̄ Judas ngōn̄ Simo̰ Iskariot.

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

MATIYE 10:36

Adə̄ madə̄ ba̰ā̰ deē i de kə́ kem kújú gōn tə́.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

JEREMI 41:2

Tā anī Ismael ngōn̄ Netania ō, de kə́ dəngam kə́ kutə gə̄ ń dānə̄nən̄ ō ní, tə́gān̄ Gedalia kə kaskaraá tɔ̄lnən̄ kə ta jī tə́ noō. I loo tɔ̄l̄ ń ni tɔləń nge ń mban̄g əndān dɔ ɓē ní n noó.

MATIYE 26:21

Ba dan ń ndin̄ a əsan̄ yá̰a̰ anī Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ a əlam̄ jī de gə̄ tə́.

MARK 14:17

Loo sɔlí anī Jeju reē kə ngé kə́ kutə gidə i jōó gə̄ ní.

MARK 14:18

Dan ń nin̄-ndin̄ ta yá̰a̰ kəsa tə́ ba əsan̄ yá̰á̰ anī, Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ kə́ əsa yá̰a̰ seḿ a əlam̄ jī de gə̄ tə́.

Najə̄ kə́ Majə yā Jeju ń Luk ndang ní 22:21

Ba á̰a̰ī, deē ń a əlam̄ jī de gə̄ tə́ ní, əla jīn gō yāḿ tə́ kem kār̄ kəsań toō tə́.

JA̰A̰ 13:21

Dan ń Jeju ɔr̄ najə̄ gə̄ ń noō anī, ndílən ndi kə gōó alé. Ba ni-əda wáńg na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ a əlam̄ jī de gə̄ tə́.

JA̰A̰ 13:22

Ba ngé ndóō yá̰a̰ yān gə̄ mbel a̰ā̰n̄ ta kum naā, tām̄ nin̄-gerə̄n̄ deē ń ni-ɔr̄ najə̄ yān ní alé.

JA̰A̰ 15:25

Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

JA̰A̰ 18:32

I tītə̄ ń noō n najə̄ ń Jeju əda ɔjəń loo koy ń a rāā yā koy ní a udəń gírí ní.

JA̰A̰ 19:24

Anī Áskar gə̄ ədan̄ naā dɔ dáńdə́ tə́ na: Ādə̄ jə-rə́yā̰ī naā tə́ alé, banī jə-túgī wə̄lā dɔ tə́ j-a̰a̰ī ké i náā n a ənge wa. Adə̄ najə̄ ń ndangən̄ kem makətūbūú ní reē udə gírí. Najə̄ ní n toó: Nin̄-kēngə̄n̄ naā kūbə̄ yāḿ gə̄ ō, túgə̄n̄ wə̄lā dɔ kūbə̄ jī yāḿ tə́ ō. Yá̰a̰ gə̄ ń áskar gə̄ rāān̄ ní n noó.

JA̰A̰ 19:36

Tɔdɔ̄ yá̰a̰ gə̄ ń noō malang rāān̄ yá̰á̰ i yā kadə̄ najə̄ kə́ ndang reē udəń gírí. Ndangən̄ na: A tetən̄ kə̄ngān kógə̄ḿ alé.

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

KƏLA RĀĀ 1:16

Ngákó̰ó̰ḿ gə̄, i gáŕ kadə̄ yá̰á̰ ń Ndíĺ kə́ Táĺ əda najə̄n kété á ndangən̄ ní reē udə gírí. Judas ń tél nge kɔr no ngé kəhɔ Jeju gə̄ ní, Ndíĺ kə́ Táĺ əndā najə̄ yān ta Dabid tə́ adə̄ ɔr̄ kété kɔ̄ɔ́ adə̄ ndangən̄.