JA̰A̰ 13:15 - Bibəl ta Sar̄

¹⁵ Tɔdɔ̄ m-ɔ́jə́sí i yá̰á̰ kə́ yā kadə̄ ī-ndájī, kadə̄ ī-rāāī tītə̄ ń m̄-rāā sesí ní.

Bible sar

¹⁵ Tɔdɔ̄ m-ɔ́jə́sí i yá̰á̰ kə́ yā kadə̄ ī-ndájī, kadə̄ ī-rāāī tītə̄ ń m̄-rāā sesí ní.

JA̰A̰ 13:15 Referans Kwoze

MATIYE 11:29

Úniī njúkə yāḿ ə̄nīī kɔ́ɔ́sí tə́ ba ī-téliī ngé ndóō yá̰a̰ yāḿ gə̄. Tɔdɔ̄ mā i de kə́ sɔl̄ lɔ́ḿ ō, m-ɔ́jə rɔ̄ḿ aĺ ō, loo ń noō tə́ ā ɔ̄rī koō.

1 JA̰A̰ 2:6

Deē ń əda na n-ndi na i kemən tə́ ní, majə kadə̄ kɔ́ɔ̄ njə̄rā tītə̄ ń Jeju nəkɔ́ njə̄rań ní.

1 PIYER 2:21

Tɔdɔ̄ yá̰á̰ kə́ tōr̄ rāā Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

Makətūbə̄ ń Pol ndang adə̄ Rom gə̄ ní 15:5

Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.