JA̰A̰ 13:10 - Bibəl ta Sar̄

¹⁰ Anī Jeju ədan na: Deē ń ndogə̄ man̄ kɔ̄ɔ́ ní, a tə́go rɔ̄n to̰ alé, tām̄ rɔ̄n malang i kə́ unjə̄ njáý njáý kɔ̄ɔ́. Sḭḭ̄ ūnjī ɓá tā, ba i sḭḭ̄ malang alé.

Bible sar

¹⁰ Anī Jeju ədan na: Deē ń ndogə̄ man̄ kɔ̄ɔ́ ní, a tə́go rɔ̄n to̰ alé, tām̄ rɔ̄n malang i kə́ *unjə̄ njáý njáý kɔ̄ɔ́. Sḭḭ̄ ūnjī ɓá tā, ba i sḭḭ̄ malang alé.

JA̰A̰ 13:10 Referans Kwoze

JA̰A̰ 15:3

Sḭḭ̄ ūnjī njáý njáý kɔ̄ɔ́ kə ta kūl̄ najə̄ ń m-ə́dásí ní.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

LEBI GƏ̄ 16:28

Deē ń a róōdə́ ní, kɔ́ɔ̄ a tə́go kūbə̄ yān gə̄ ō, a ndogə̄ man̄ ō, pá tá a udə kem ɓēé.

LEBI GƏ̄ 16:26

Nge tə̄ɓā bə̄yā̰ dəla loo tə́ ní a tə́go kūbə̄ yān gə̄ ō, a ndogə̄ man̄, pá tá a udə kem ɓēé ɓáý.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

PĀ KƏ́ MAJƏ 4:7

Ī-mandə ngá̰ý, madə́! Looí kə́ majaĺ gətóo!

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

JA̰A̰ 13:9

Simo̰ Piyer ədan na: Kɔ́ɔ̄ɓē, ré i beé anī, ā ī-tə́go i njaḿ ngóy alé, ā ī-tə́go jīḿ ō, dɔḿ ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.