JA̰A̰ 12:48 - Bibəl ta Sar̄

⁴⁸ Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

Bible sar

⁴⁸ Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

JA̰A̰ 12:48 Referans Kwoze

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

JA̰A̰ 11:24

Martə ədan na: m̄-ger̄ kadə̄ ni a ndól̄ ndɔ̄ ń de kə́ koy gə̄ a ndólə̄n̄neé ta ngóy ndɔ̄ gə̄ tə́ ní.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

JA̰A̰ 5:45

Ī-lōōī gír̄ kəda na i mā n m-ā m̄-sə̄lā gíŕsí rɔ̄ Bɔbə́ḿ tə́ ní. Nge ń a sə̄lā gíŕsí ní i Moijə, ni ń ə̄ndāī kemsí dɔn tə́ ní.

MATIYE 21:42

Ba Jeju tél ədadə́ na ké a̰a̰n̄ najə̄ ń toō kem makətūbə̄ aĺ wa: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní. Nge ń noō i kəla rāā Kɔ́ɔ̄ɓē, adə̄ i yá̰á̰ kə́ majə to ɓōĺ ngá̰ý ta kumjí tə́.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

2 KORḚNTƏ 4:3

Ré Najə̄ kə́ Majə ń j-ɔjə ní kumən unjə̄ aĺ anī, unjə̄ aĺ i ta kum ngé gə̄ ń nin̄ kɔ́ gə̄ a tḭ̄ḭ̄n̄ ta rɔ̄də́ tə́ ní.

Najə̄ kə́ Majə yā Jeju ń Luk ndang ní 20:17

Anī Jeju əndā kumən dɔdə́ tə́ ba ədadə́ na: Ɔ́jəmī kum najə̄ ń ndangən̄ ədan̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní.

Najə̄ kə́ Majə yā Jeju ń Luk ndang ní 17:25

Banī i gáŕ kadə̄ ni a a̰a̰ tápə̄ ngá̰ý ō, kadə̄ de kə́ ɓāl̄ ń toō tə́ gə̄ a mbātə́nən̄ ō pá tá.

Najə̄ kə́ Majə yā Jeju ń Luk ndang ní 9:26

Deē ń rɔ̄n sɔlə̄n tām̄ yāḿ tə́ ō, tām̄ yā najə̄ yāḿ gə̄ tə́ ō ní, dan ń Ngōn̄ Deē a tél yā reē kem kɔsə gɔn yān tə́ ō, yā Bɔbə̄ Ngōn̄ tə́ ō, yā de kə́ dɔ rā̰ tə́ kə́ táĺ gə̄ ō anī, rɔ̄n a sɔlə̄n tām̄ yā kɔ́ɔ̄ tə́ ō.

Najə̄ kə́ Majə yā Jeju ń Luk ndang ní 9:22

Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.

Najə̄ kə́ Majə yā Jeju ń Luk ndang ní 7:30

Banī Parijiyḛ gə̄ ō, ngé ndóō de gə̄ ndū najə̄ ō, mbātə́n̄ yá̰á̰ ń Nə́ɓā gḛy tām̄ yādə́ tə́ ní, adə̄ mbātə́n̄ kadə̄ Ja̰a̰ rāādə́ batém.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

1 SAMUEL 8:7

Anī Kɔ́ɔ̄ɓē tél əda Samuel na: Ōō najə̄ yā ngán Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.

KƏLA RĀĀ 3:23

Deē ń a oō najə̄ yā nge koō ta ngeé ń toō aĺ ní, a ɔr̄nən̄ kɔ̄ɔ́ dan gír de gə̄ yā Nə́ɓā tə́ yā tɔ̄lən.

MARK 8:31

Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

JA̰A̰ 6:39

Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

JA̰A̰ 8:47

Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

HEBƏRO 10:25

Jə-lōōī kəya̰ loo kán̄ naā yājí kɔ̄ɔ́ tītə̄ ń i jī bēl̄ loo rāān yā de kə́rēý gə̄ ní. Banī j-adī naā tɔ́gə, tɔdɔ̄ á̰a̰ī kadə̄ dɔ ndɔ̄ yā Kɔ́ɔ̄ɓē i ngɔr.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.