JA̰A̰ 12:44 - Bibəl ta Sar̄

⁴⁴ Banī Jeju əga kɔŕ əda na: Deē ń taā kemḿ anī, taā i kemḿ mā alé, banī taā i kem nge ń əlam̄ ní.

Bible sar

⁴⁴ Banī Jeju əga kɔŕ əda na: Deē ń taā kemḿ anī, taā i kemḿ mā alé, banī taā i kem nge ń əlam̄ ní.

JA̰A̰ 12:44 Referans Kwoze

MATIYE 10:40

Deē ń əhɔsí kə̄ rɔ̄n tə́ anī əhɔm̄ i mā kə̄ rɔ̄n tə́. Ba deē ń əhɔm̄ kə̄ rɔ̄n tə́ ní əhɔ i nge ń əlam̄ ní kə̄ rɔ̄n tə́.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

MARK 9:37

Náā nəkɔ́ ń a əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ anī, i ngarān̄g kumḿ mā nəkɔ́ ń əhɔ kə̄ rɔ̄n tə́ noō. Tá deē ń əhɔm̄ kə̄ rɔ̄n tə́ ní, əhɔm̄ i mā alé, banī i nge ń əlam̄ ní n kɔ́ɔ̄ əhɔn kə̄ rɔ̄n tə́ ní.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

JA̰A̰ 7:28

Anī Jeju ń ndóō de gə̄ yá̰a̰ kem kújə yā Kɔ́ɔ̄ɓē tə́ ní əda na: Ī-ger̄mī ō, ī-gerī loo ń m-ḭ́ḭ tū tə́ ní ō a? Tá i mə̄kɔ́ n m̄-reē kə dɔḿ alé. Nge ń əlam̄ ní asə kadə̄ deē ənī kemən adə̄n. Sḭḭ̄ ī-gerīin̄ alé,

JA̰A̰ 11:43

Loo ń ni-əda beé oy anī, əga kɔŕ ngá̰ý əda na: Lajar, ī-teē ndágá!

Gōsə̄ najə̄ gə̄ 8:1

I kum kedə̄ n a ɓāŕ yá̰a̰ noó aĺ a? I ger̄ kum yá̰a̰ n a un ndūn kə̄ dɔɔ́ noō aĺ a?

Gōsə̄ najə̄ gə̄ 1:20

Kum kedə̄ ɔr̄ najə̄ róbə kɔsɔɔ́, un ndūn kə̄ dɔɔ́ dɔ loo gə̄ kə́ kem ɓēé tə́.

MARK 9:23

Jeju əda na: I najə̄ rí tə́ á ə́dam̄ na. Ré m-ásə rāā ní! De kə́ nge taā kem asə rāā yá̰a̰ malang.