JA̰A̰ 12:42 - Bibəl ta Sar̄

⁴² Ba dɔ dán ngār gə̄ tə́ gə̄gē ní, ngá̰ý gə̄ taān̄ kemən. Banī nin̄-ədan̄ najə̄ taā kem yādə́ kə̄ ndágá wáńg alé, najə̄ yā Parijiyḛ gə̄ tə́. Tām̄ ɓōlə́n̄ najə̄ kadə̄ tə̄ɓān̄də́ kɔ̄ɔ́ kem kújə́ kán̄ naā gə̄ tə́.

Bible sar

⁴² Ba dɔ dán ngār gə̄ tə́ gə̄gē ní, ngá̰ý gə̄ taān̄ kemən. Banī nin̄-ədan̄ najə̄ taā kem yādə́ kə̄ ndágá wáńg alé, najə̄ yā *Parijiyḛ gə̄ tə́. Tām̄ ɓōlə́n̄ najə̄ kadə̄ tə̄ɓān̄də́ kɔ̄ɔ́ kem kújə́ kán̄ naā gə̄ tə́.

JA̰A̰ 12:42 Referans Kwoze

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

JA̰A̰ 9:22

Ngé kojən gə̄ ɔrə̄n̄ najə̄ tītə̄ ń noō i tɔdɔ̄ nin̄-ɓōlə́n̄ i Jipə gə̄. Tɔdɔ̄ Jipə gə̄ oōn̄ naā kadə̄ náā nəkɔ́ ń a əda ta kum de gə̄ tə́ na Jeju i Kərist ní ɓáa kə n-tə̄ɓānən̄ kújə kán̄ naā tə́ kɔ̄ɔ́.

JA̰A̰ 7:13

Banī deē kógə̄ḿ kə́ əda najə̄ yān kə̄ ndágá wáńg beē gətóo, tɔdɔ̄ nin̄-ɓōlə́n̄ i Jipə gə̄.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

MATIYE 10:32

Deē ń əda ta kum de gə̄ tə́ na ni na i deē yāḿ anī, mā m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ ō.

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.

1 JA̰A̰ 4:2

Yá̰á̰ ń ā ī-gerīneé Ndíĺ Nə́ɓā ní n toó: Ndíĺ ń əda na Jeju Kərist na reē i kə́ deē tə́ ní, ḭḭ i rɔ̄ Nə́ɓā tə́.

Makətūbə̄ ń Pol ndang adə̄ Rom gə̄ ní 10:10

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JA̰A̰ 19:38

Gō yá̰a̰ gə̄ ń toō tə́ anī, Jəjep kə́ Arimate ń i nge ndóō yá̰a̰ yā Jeju, banī i loo ɓɔ̄ɔ̄ rɔ̄ tə́ jəke, tām̄ ni-ɓōĺ i Jipə gə̄ ní, dəje Pilatə ta róbə kadə̄ kə n-ɔr̄ nīń Jeju. Pilatə ndigə, adə̄ ni-reē ɔr̄ nīń Jeju.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

JA̰A̰ 12:11

tɔdɔ̄ Jipə gə̄ ngá̰ý əya̰n̄də́ kɔ̄ɔ́, ba taān̄ kem Jeju najə̄ yā Lajar tə́.

JA̰A̰ 11:45

Jipə gə̄ ń reēn̄ rɔ̄ Mari tə́ á a̰a̰n̄ yá̰á̰ ń Jeju rāā ní, ngá̰ý gə̄ dandə́ taān̄ kemən.

JA̰A̰ 9:34

Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

Najə̄ kə́ Majə yā Jeju ń Luk ndang ní 12:8

Ādə̄ m-ə́dásí: Deē ń a əda ta kum de gə̄ tə́ na ni na i deē yāḿ mā ní, Ngōn̄ Deē a əda ta kum de kə́ dɔ rā̰ tə́ gə̄ yā Nə́ɓā tə́ na ni na i deē yān ō.

Najə̄ kə́ Majə yā Jeju ń Luk ndang ní 6:22

Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

JEREMI 38:19

Mban̄g Sedekias tél əda Jeremi na: Yá̰á̰ ń m̄-sōl̄ ní i de kə́ Juda tə́ gə̄ ń əsōn̄ gír Kalde gə̄ tə́ ní. Majanī a əlamə̄n̄ jīdə́ tə́ yā kadə̄ əlan̄ rɔ̄sɔl̄ dɔḿ tə́.

Najə̄ kə́ Majə yā Jeju ń Luk ndang ní 23:13

Anī Pilatə ɓāŕ ngol gə̄ kə́ dɔ ngé tun̄ yá̰a̰ gə̄ tə́ ō, ngār gə̄ ō, de kə́ kem ɓē gə̄ ō, adə̄ kánə̄n̄ naā,

JA̰A̰ 7:31

De gə̄ ngá̰ý dan kósə de gə̄ tə́ taān̄ kemən, adə̄ ədan̄ na: Kərist ní, loo ń a reē anī, a rāā yá̰á̰ kə́ yáā gə̄ ngá̰ý tɔȳ yā deē ń toō a?