JA̰A̰ 12:40 - Bibəl ta Sar̄

⁴⁰ Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

Bible sar

⁴⁰ Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

JA̰A̰ 12:40 Referans Kwoze

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

MARK 4:12

yā kadə̄ dan ń a̰a̰n̄ anī, a̰a̰n̄ ba a̰a̰n̄ kə gōó aĺ ō, yā kadə̄ dan ń oōn̄ najə̄ anī, oōn̄ ba gerə̄n̄ kum najə̄ ń oōn̄ ní aĺ ō, na sōgə́ nin̄ a tūrə̄n̄ háĺdə́ anī, Nə́ɓā a māȳ rɔ̄n dɔdə́ tə́.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

PĀ GƏ̄ 147:3

I ni n i nge sɔl̄ kem ngé gə̄ ń kemdə́ nujə sá sák kɔ̄ɔ́ ní ō, nge kun rɔ̄ tōr̄ yādə́ gə̄ ō ní.

PĀ GƏ̄ 41:4

Kɔ́ɔ̄ɓē a ngɔ̄mən dɔ tə̄rá mo̰y yān tə́, adə̄ a tūr̄ gíŕ yá̰a̰ ton kə dɔ ndɔ̄ gə̄.

PĀ GƏ̄ 6:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

Makətūbə̄ ń Pol ndang adə̄ Rom gə̄ ní 9:18

Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

KƏLA RĀĀ 28:26

Najə̄ ń Ndíĺ kə́ Táĺ əndā ta Ijai ngé koō ta tə́ adə̄ əda kaasí gə̄ ní i najə̄ kə́ rɔ̄kum! Ni-əda na: Āw̄ ə́ngé gír de gə̄ ń toō ba ə́dádə́: Ā ōōī najə̄ kə mbīsí, banī ā ī-gerī kum alé. Ā á̰a̰ī loo majə kə kumsí, banī ā á̰a̰ī yá̰a̰ alé.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

KƏLA RĀĀ 15:3

Adə̄ Egəlijə kə́ A̰tiyos adə̄n̄də́ sádə̄ mbā. Nin̄-əndan̄ gō nang kə́ Penisi ō Samari ō gāngə̄n̄, ba ɔjən̄ loo tūr̄ ń de gə̄ ń i Jipə aĺ gə̄ tūrə̄n̄ rɔ̄də́ kə̄ rɔ̄ Nə́ɓā tə́ ní dɔɔ́ dɔɔ́. Najə̄ ní adə̄ ngákó̰ó̰jí gə̄ malang ń oōn̄ ní rɔ̄nel̄ ngá̰ý.

MARK 6:52

tām̄ nin̄-gerə̄n̄ kum yá̰á̰ ń Jeju rāā kə mápá ní alé, tɔdɔ̄ kemdə́ i kə́ ngan̄g ngóróró.

IJAI 53:5

Banī ni-ənge do i najə̄ yá̰a̰ rāājí gə̄ kə́ gōtə́ aĺ gə̄ tə́, rējə̄nən̄ i najə̄ majaĺ yājí gə̄ tə́. I ni n əndanən̄ ndéý ń reē kə kem sɔlɔ́ adə̄jí ní. Jḭḭ̄ j-əngeī rɔ̄ ngan̄g i kə ta kūl̄ do gə̄ ń ni-ənge ní.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

Teē Ngán Israel gə̄ 14:8

Kɔ́ɔ̄ɓē rāā adə̄ Parao̰ mban̄g kə́ Ejiptə rāā dɔ ngan̄g ba ngɔ̄də̄ gō ngán Israel gə̄ ń teēn̄ kem ɓē kə́ Ejiptə tə́ kɔ̄ɔ́ tītə̄ kə́ nin̄ i kɔ́ɔ̄ rɔ̄də́ gə̄ ní.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 7:13

Ba, tītə̄ ń Kɔ́ɔ̄ɓē ədań ní, Parao̰ rāā dɔ ngan̄g kə̄ non tə́ adə̄ oō najə̄ yā Moijə nin̄ kə Aaro̰ alé.

Teē Ngán Israel gə̄ 7:3

M-ā m̄-rāā kadə̄ Parao̰ a rāā dɔ ngan̄g. M-ā m̄-rāā yá̰á̰ kə́ yáā gə̄ ō, kə́ to kɔr kum gə̄ ō, ngá̰ý dɔ nang kə́ Ejiptə tə́,

Teē Ngán Israel gə̄ 4:21

Kɔ́ɔ̄ɓē əda Moijə na: Yá̰á̰ kə́ to kɔr kum gə̄ ń m-ādə̄ ī-rāā malang ní, dan ń ī-tél āw̄ gogə́ Ejiptə anī, āw̄ ī-rāādə́ ta kum Parao̰ tə́. Ba m-ā m̄-rāā kadə̄ Parao̰ a rāā dɔ ngan̄g adə̄ a əya̰ ngán Israel gə̄ kadə̄ aw̄n̄ alé.

1 MBAN̄G GƏ̄ 22:20

Anī Kɔ́ɔ̄ɓē dəje na ké i náā n ndigə kaw̄ gól̄ Akab kadə̄ ənī ɓē kə́ Ramot kə́ Galaad rɔ̄ɔ̄ kadə̄ tɔ̄lə̄n̄ Akab tū tə́ ní wa. Anī deē kógə̄ḿ əda yān i beé, ba de kə́ rang əda yān i beé.

Teē Ngán Israel gə̄ 9:12

Banī Kɔ́ɔ̄ɓē rāā adə̄ Parao̰ rāā dɔ ngan̄g, adə̄ tītə̄ ń Kɔ́ɔ̄ɓē ədań Moijə ní, Parao̰ oō najə̄ yā Moijə nin̄ kə Aaro̰ alé.

Teē Ngán Israel gə̄ 10:1

Kɔ́ɔ̄ɓē əda Moijə na kə aw̄ kə ənge Parao̰, tɔdɔ̄ na i ni Kɔ́ɔ̄ɓē n n-rāā adə̄ Parao̰ nin̄ kə ngé kəla yān gēé rāān dɔ ngan̄g ní, i yā kadə̄ n-rāań yá̰á̰ kə́ yáā gə̄ ń noō malang dɔ dáńdə́ tə́ ō,

Teē Ngán Israel gə̄ 11:10

Moijə nin̄ kə Aaro̰ rāān̄ yá̰á̰ kə́ to kɔr kum gə̄ ń noō malang ta kum Parao̰ tə́. Banī Kɔ́ɔ̄ɓē rāā adə̄ Parao̰ rāā dɔ ngan̄g ɔgə̄ ngán Israel gə̄ teē kem ɓē yān tə́ kɔ̄ɔ́.

IJAI 6:9

Anī Kɔ́ɔ̄ɓē ədam̄ na: Āw̄ ə́dá gír de gə̄ ń toō: Ā ōōī najə̄ majə, banī ā ī-gerī kum alé. Ā á̰a̰ī loo majə, banī ā á̰a̰ī yá̰á̰ kógə̄ḿ alé.

JA̰A̰ 12:39

I tām̄ najə̄ ń toō tə́ n nin̄-asən̄ taā kem alé ní, tɔdɔ̄ Ijai əda to̰ na: