JA̰A̰ 12:23 - Bibəl ta Sar̄

²³ Anī Jeju tél ədadə́ na: Mbang asə kɔ̄ɔ́ adə̄ ɔsən̄ gɔn Ngōn̄ Deē.

Bible sar

²³ Anī Jeju tél ədadə́ na: Mbang asə kɔ̄ɔ́ adə̄ ɔsən̄ gɔn Ngōn̄ Deē.

JA̰A̰ 12:23 Referans Kwoze

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

MARK 14:41

Ni-tél reē nja kə́ nge ko̰ mətá, ba ədadə́ na: Ngɔlaā ní ī-ɓīī ō, ī-taāī koō ō! Asə tā! Kum mbang asə kɔ̄ɔ́. Á̰a̰ī, a əlan̄ Ngōn̄ Deē jī de kə́ ngé rāā yá̰a̰ majaĺ gə̄ tə́.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

JA̰A̰ 12:16

Ta kəla gíŕ tə́ ní, ngé ndóō yá̰a̰ yān gə̄ gerə̄n̄ kum yá̰á̰ ní alé. Ba dan ń ɔsən̄ gɔn Jeju oy anī, əga kemdə́ dɔ tə́ kadə̄ yá̰á̰ ń rāā yá̰á̰ ní i kə́ ndangən̄ najə̄n kem makətūbə̄ tə́ kété ɔjənə̄ń dɔn.

MATIYE 26:45

Gō tə́ anī, ni-tél reē rɔ̄ ngé ndóō yá̰a̰ yān gə̄ tə́, ba ədadə́ na: Ā ī-ɓīī i mbée ō, a ī-taāī i koō ō a! Á̰a̰ī, kum mbang asə kɔ̄ɔ́, adə̄ a əlan̄ Ngōn̄ Deē jī ngé rāā yá̰a̰ majaĺ gə̄ tə́.

MARK 14:35

Ni-aw̄ dan sa̰y sḛ́ý anī, ɔsə non nang tə́ ba ndɔ̄ȳ kadə̄ kum mbang yá̰á̰ kə́ tōr̄ ń noō teē dɔn tə́ alé.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.