JA̰A̰ 11:51 - Bibəl ta Sar̄

⁵¹ Ni i ngol ngé tun̄ yá̰a̰ gə̄ kə́ ɓāl̄ ngeé ń noō tə́, adə̄ əda i najə̄ kə́ Nə́ɓā əndā tan tə́ tām̄ yā Jeju ń i gáŕ kadə̄ oy tām̄ yā Jipə gə̄ tə́ malang ní.

Bible sar

⁵¹ Ni i ngol *ngé tun̄ yá̰a̰ gə̄ kə́ ɓāl̄ ngeé ń noō tə́, adə̄ əda i najə̄ kə́ Nə́ɓā əndā tan tə́ tām̄ yā Jeju ń i gáŕ kadə̄ oy tām̄ yā *Jipə gə̄ tə́ malang ní.

JA̰A̰ 11:51 Referans Kwoze

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

Teē Ngán Israel gə̄ 28:30

Ā ī-ɓōkə́ urim ō, tumim ō, kem pekətoral gān̄g sarya yā Nə́ɓā tə́ kadə̄ ré Aaro̰ a aw̄ kə̄ ta kum Kɔ́ɔ̄ɓē tə́ anī, ton̄ dɔ nganjən tə́, adə̄ Aaro̰ a ətō sarya yā ngán Israel gə̄ dɔ nganjən tə́ ta kum Kɔ́ɔ̄ɓē tə́ ngándáńg.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

JA̰A̰ 10:15

tītə̄ ń Bɔbə́ḿ ger̄məń ō, mā m̄-gerə̄ń Bɔbə́ḿ ō ní. Adə̄ m-óy tām̄ yā batə̄ yāḿ gə̄ tə́.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

TƏ́DA 24:2

Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,

TƏ́DA 22:28

Kɔ́ɔ̄ɓē rāā adə̄ kó̰o̰ kərō ɔr̄ najə̄ kə Balam. Kó̰o̰ kərō əda Balam na: m̄-rāā i rí yāí á ə́ndam̄ nja mətá ní?

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

JA̰A̰ 11:49

Deē kógə̄ḿ dandə́ tə́ rīn na i Kaipə, ni i ngol ngé tun̄ yá̰a̰ gə̄ ɓāl̄ ngeé ń noō tə́, ədadə́ na: Sḭḭ̄ ī-gerī yá̰a̰ kógə̄ḿ tū tə́ alé!

JA̰A̰ 18:13

Nin̄-aw̄n̄ seneé rɔ̄ An tə́ pá tá, tɔdɔ̄ An i um Kaipə. Kaipə i ngol ngé tun̄ yá̰a̰ gə̄ kə́ ɓāl̄ ngeé ń noō tə́.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.