JA̰A̰ 11:27 - Bibəl ta Sar̄

²⁷ Martə tél ədan na: A̰ýyē, Kɔ́ɔ̄ɓē, m̄-taā kem kadə̄ ḭ̄ i Kərist ō, Ngōn̄ Nə́ɓā ń kadə̄ reē dɔ nang tə́ ní ō.

Bible sar

²⁷ Martə tél ədan na: A̰ýyē, Kɔ́ɔ̄ɓē, m̄-taā kem kadə̄ ḭ̄ i *Kərist ō, Ngōn̄ Nə́ɓā ń kadə̄ reē dɔ nang tə́ ní ō.

JA̰A̰ 11:27 Referans Kwoze

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

JA̰A̰ 4:42

Ba nin̄-ədan̄ dəyá̰ ní na: I tām̄ najə̄ yāí tə́ n jə-taāń kem ngɔlaā toó to̰ aĺ tā, tɔdɔ̄ jḭḭ kɔ́ gə̄ j-oō najə̄ kə́ tan tə́, adə̄ jə-ger̄ kadə̄ ni i nge kajə de kə́ dɔ nang tə́ gə̄ rɔ̄kum.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

MATIYE 11:3

Anī əla ngé ndóō yá̰a̰ yān gə̄ rɔ̄n tə́ kadə̄ aw̄ dəjenən̄ na ké ni n i nge ń kadə̄ reē ní aké kə n-ngóōn̄ i de kə́ rang ɓáý wa.

MATIYE 16:20

Loo ń noō tə́ Jeju tāā ngé ndóō yá̰a̰ yān gə̄ ɓang ɓang na kə lōōn̄ kəda deē gotə sḛ́ý na ni na i Kərist.

KƏLA RĀĀ 8:37

Pilipə ədan na: Ré ī-taā kem mámák anī ásə kadə̄ m̄-rāāī batém. Anī de kə́ bo ní tūr̄ ədan na: m̄-taā kem kadə̄ Jeju Kərist i Ngōn̄ Nə́ɓā.