JA̰A̰ 11:25 - Bibəl ta Sar̄

²⁵ Jeju ədan na: Mā i nge ndól̄ de kə́ koy gə̄ ō, nge rāā kadə̄ deē ndi kə kumneé ō. Deē ń taā kemḿ ní, ká ré oy gə̄gē anī, a ndi kə kumneé.

Bible sar

²⁵ Jeju ədan na: Mā i nge ndól̄ de kə́ koy gə̄ ō, nge rāā kadə̄ deē ndi kə kumneé ō. Deē ń taā kemḿ ní, ká ré oy gə̄gē anī, a ndi kə kumneé.

JA̰A̰ 11:25 Referans Kwoze

1 TESALONIK 4:14

Tɔdɔ̄ ré jə-taāī kem kadə̄ Jeju oy ba ndól̄ anī, ngé gə̄ ń oyn̄ ní, Nə́ɓā a ndól̄də́ kə ta kūl̄neé ō.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JA̰A̰ 1:4

Ndi kə kumuú i tū Najə̄ tə́, ba ndi kə kumuú ní i loo kə́ unjə̄ kow yā de gə̄.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

JA̰A̰ 6:44

Deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ ń əlam̄ ní n ndɔ́rə̄n kə̄ rɔ̄ḿ tə́ ní gətóo. Ba deē ń reē rɔ̄ḿ tə́ ní, oy a m-ā m̄-ndólə̄n ta ngóy ndɔ̄ gə̄ tə́.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

JEJU TEĒ KUM JA̰A̰ 20:5

Gotə de kə́ rang gə̄ ń oyn̄ ní, ndólə̄n̄ alé, bátə́ kadə̄ ɓāl̄ kə́ dūbú kógə̄ḿ ní təgāń. Nge ń noō i ndól̄ kə́ ta kəga dɔ yā de kə́ koy gə̄.

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

IJAI 38:16

Kɔ́ɔ̄ɓē, yá̰á̰ ń rāām̄ ní ī-ger̄ ō, ḭ̄ ī-rāām̄ adə̄ m̄-tél m̄-ndi kə kumḿ gogə́ ō. Ḭ̄ ī-tél ādə̄m̄ tɔ́gə gogə́, ī-ngɔ̄mə̄m̄ adə̄ m̄-ndi kə kumḿ.

PILIPƏ 1:23

Dɔḿ tɔ̄ɔ̄ jōó: Ngur kadə̄ m-óy m-āw̄ m̄-ndi kə Kərist rāām̄, i nge ń noō n m̄-gḛy ngá̰ý ní.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

2 KORḚNTƏ 4:14

Tɔdɔ̄ deē ń ndól̄ Kɔ́ɔ̄ɓē Jeju kə́ oy ní, jə-ger̄ kadə̄ ni a ndól̄jí naā tə́ kə Jeju ō, a əndājí kadən tə́ ngɔr naā tə́ sesí ō.

Makətūbə̄ ń Pol ndang adə̄ Rom gə̄ ní 4:17

tītə̄ ń makətūbə̄ yā Nə́ɓā ədań ní. Ndangən̄ na: I ḭ̄ n m-ā m̄-rāā kadə̄ ā ī-tél kaa gír de kə́ ngá̰ý gə̄ ní. Ni i kaají ta kum nge ń ni-taā kemən tə́ ní, i Nə́ɓā kə́ nge ndól̄ de kə́ koy gə̄ ō, kə́ nge kəndā yá̰a̰ gə̄ ń gətóon̄ ní ō.

Najə̄ kə́ Majə yā Jeju ń Luk ndang ní 23:43

Anī Jeju tél tūr̄ ədan na: Ādə̄ m-ə́daī najə̄ kə́ bo ngá̰ý, ɓōólaā nəkɔ́ ń toō, ḭ̄ i seḿ loo kə́ majə yā Nə́ɓā tə́.

1 KORḚNTƏ 15:29

Ré i beé aĺ anī ngé gə̄ ń rāān̄də́ batém tām̄ yā de gə̄ ń oyn̄ tə́ ní a rāān̄ i ba̰ý? Ré de gə̄ ń oyn̄ ní a ndólə̄n̄ aĺ anī i tām̄ rí tə́ á rāān̄ de gə̄ batém tām̄ yādə́ tə́ ní?

1 KORḚNTƏ 15:18

Loo ń noō tə́ ní, ngé gə̄ ń taān̄ kem Kərist pá tá kadə̄ nin̄ oyn̄ ní, tadə́ tḭ̄ḭ̄ kɔ̄ɔ́ ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.