JA̰A̰ 11:24 - Bibəl ta Sar̄

²⁴ Martə ədan na: m̄-ger̄ kadə̄ ni a ndól̄ ndɔ̄ ń de kə́ koy gə̄ a ndólə̄n̄neé ta ngóy ndɔ̄ gə̄ tə́ ní.

Bible sar

²⁴ Martə ədan na: m̄-ger̄ kadə̄ ni a ndól̄ ndɔ̄ ń de kə́ koy gə̄ a ndólə̄n̄neé ta ngóy ndɔ̄ gə̄ tə́ ní.

JA̰A̰ 11:24 Referans Kwoze

KƏLA RĀĀ 24:15

Mā m-ə̄ndā kemḿ dɔ Nə́ɓā tə́ tītə̄ ń nin̄ kɔ́ gə̄ əndān̄neé kemdə́ dɔn tə́ ō ní, kadə̄ de kə́ sew gə̄ ō, de kə́ sew aĺ gə̄ ō ń oyn̄ ní, Nə́ɓā a ndól̄də́.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

Najə̄ kə́ Majə yā Jeju ń Luk ndang ní 14:14

Loo ń noō tə́ rɔ̄í a nelī, tām̄ nin̄ a asən̄ kadī kum gotə alé. Tɔdɔ̄ a télən̄ kə yá̰a̰ gə̄ ń toō yā kadī gogə́ ndɔ̄ ń de kə́ súmūú gə̄ a ndólə̄n̄neé tə́ ní.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

HEBƏRO 11:35

I kə ta kūl̄ taā kem n dəyá̰ gə̄ tél əngen̄ de gə̄ yādə́ kə́ koy gə̄ kə́ ndólə̄n̄ ní. Rāān̄ de kə́ rang gə̄ yá̰á̰ kə́ tōr̄ ń adə̄ oyn̄. Nin̄-mbātə́n̄ kadə̄ gāngə̄n̄ dɔdə́, yā kadə̄ ré n-oyn̄ anī, n-ndólə̄n̄ dan de kə́ koy gə̄ tə́ ba n-ndin̄ kə kumdə́ ndin̄ kə́ majə tɔȳ kə́ kété.

JA̰A̰ 6:39

Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 11:23

Jeju ədan na: Ngōkó̰ó̰í a ndól̄ dan de kə́ koy gə̄ tə́.