JA̰A̰ 11:11 - Bibəl ta Sar̄

¹¹ Dan ń ni-ɔr̄ najə̄ gə̄ ń noō oy anī, əda ɓáý to̰ na: Madə̄jí Lajar ɓīī kɔ̄ɔ́, ba m-ā m-āw̄ yā ndólə̄n.

Bible sar

¹¹ Dan ń ni-ɔr̄ najə̄ gə̄ ń noō oy anī, əda ɓáý to̰ na: Madə̄jí Lajar ɓīī kɔ̄ɔ́, ba m-ā m-āw̄ yā ndólə̄n.

JA̰A̰ 11:11 Referans Kwoze

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

JA̰A̰ 11:13

Jeju ɔr̄ i najə̄ kə́ dɔ koy Lajar tə́, banī nin̄-ɔjənə̄ń na ɔr̄ na i najə̄ yā ɓīī kə́ karī.

1 TESALONIK 5:10

oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé.

1 KORḚNTƏ 15:51

Á̰a̰ī, m-ā m-ə́dásí yá̰á̰ kógə̄ḿ kə́ to loo mundə̄ tə́ kadə̄ ī-gerī. J-a j-oyiī malang alé, banī jḭḭ̄ malang ní rɔ̄jí a tūr̄ kɔ̄ɔ́,

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

MATIYE 27:52

Ta bāá ɓádə gə̄ teēn̄ ō, de gə̄ yā Nə́ɓā ń oyn̄ ní, ngá̰ý gə̄ ndólə̄n̄ ō.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

MARK 5:39

Ni udə kújú anī, ədadə́ na: I tām̄ rí tə́ á kōōsí ɓār̄ mbiti ō, ī-nōōī beé ō ní? Ngōn̄ ní oy alé, ba a ɓīī i mbée.

MATIYE 9:24

ədadə́ na: Ī-teēī kɔ̄ɔ́, tɔdɔ̄ ngōn̄ ní oy alé, ba a ɓīī i mbée. Anī nin̄-əgōn̄ naā dɔn tə́.

Teē Ngán Israel gə̄ 33:11

Dan ń Kɔ́ɔ̄ɓē a ɔr̄ najə̄ kə Moijə ní, tadə́ a̰a̰ i naā tītə̄ ń deē a ɔrə̄ń najə̄ kə madə̄neé ní beē. Loo ń ɔrə̄n̄ najə̄ kə naá oy anī, Moijə tél a aw̄ i gogə́ kem ɓēé, ba nge kɔsə kílən kə́ balsáá kə́ ngōn̄ Nun ń i Jojue ní tá ndɔ́tə̄ loo alé, ni a ndi i gotən tə́ kem kújə tandāá.

JAKƏ 2:23

kadə̄ najə̄ ń ndangən̄ na Abəraham taā kem Nə́ɓā, ba Nə́ɓā na ɓārə́n na i de kə́ gōtə́ kə gō taā kem yānneé, adə̄ na ɓārə́n na i madə̄ tan ní udə gírí majə ō.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

1 KORḚNTƏ 15:18

Loo ń noō tə́ ní, ngé gə̄ ń taān̄ kem Kərist pá tá kadə̄ nin̄ oyn̄ ní, tadə́ tḭ̄ḭ̄ kɔ̄ɔ́ ō.

JA̰A̰ 11:3

Ngákó̰o̰n kə́ dəyá̰ gə̄ ní əla ədan̄ Jeju na: Kɔ́ɔ̄ɓē, deē ń ī-tárən ní i mo̰y.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

2 YÁ̰A̰ GƏ̄ 20:7

Nə́ɓā yājí, i ḭ̄ n ī-tə̄ɓā de kə́ dɔ nang ń toō tə́ gə̄ kɔ̄ɔ́ no Israel ń i gír deē yāí gə̄ ní tə́, ba ādə̄ ngán kaa madí Abəraham dɔ nang ń toō kə́ yādə́ tə́ ní aĺ a?

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

2 MBAN̄G 4:31

Geaji aw̄ kété nodə́ tə́. Ni-ənī kāgə̄ ta kum ngōn̄ ní tə́, ba ngōn̄ sɔ̄ḿ aĺ ō, rāā rɔ̄n aĺ ō. Adə̄ Geaji tél dɔ tə́ tə́nī ta Elije ba ədan na: Ngōn̄ ní ndóĺ alé.

JA̰A̰ 11:10

Ba ré deē njə̄rā dan ndɔ̄ɔ́ anī, bə̄dē a əgan, tɔdɔ̄ loo kə́ unjə̄ kow i kemən tə́ alé.

JA̰A̰ 11:12

Anī ngé ndóō yá̰a̰ yān gə̄ tél ədanən̄ na: Kɔ́ɔ̄ɓē, ré a ɓīī i mbée anī rɔ̄n a ngáā.